03 වන චාර්ල්ස් රජුට ඔස්ට්‍රේලියාව කෙරෙහි විශේෂ උනන්දුවක් ඇති බව අගමැති ඇන්තනී ඇල්බනීස් පවසනවා.
ඔස්ට්‍රේලියානුවන්ට බලපාන කරුණු රැසක් පිළිබඳ තමා සහ රජු සාකච්ඡා කල බවයි අගමැතිවරයා කියාසිටියේ.
03 වන චාර්ල්ස් රජුගේ රාජාභිෂේක උත්සවය හෙට ලන්ඩන් නුවරදී පැවැත්වෙන අතර විවිධ රටවල රාජ්‍ය නායකයන් ඇතුලු ආරාධිත අමුත්තන් 2,000 ක් පමණ ඊට සහභාගීවීමට නියමිතයි.
අගමැති ඇල්බනීස් සහ චාර්ල්ස් රජු අතර නිල හමුවක් පෙරේදා දිනයේදී පවත්වා තිබුණා.
අනතුරුව මාධ්‍ය වෙත අදහස් දක්වමින් අගමැතිවරයා අවධාරණය කලේ තමන් චාර්ල්ස් රජුට පූර්ණ පක්ෂපාතීත්වය දක්වන බවයි.
