බැංකු ශාඛාවල ස්ථාපිත කවුන්ටර් හරහා මුදල් තැන්පත් කිරීම් හා ආපසු ගැනීම් සේවා නතර කිරීම ANZ බැංකුව විසින් වික්ටෝරියා ප්‍රාන්තයෙන් ආරම්භ කර තිබෙනවා.
දෛනිකව බැංකු ශාඛා වෙත පැමිණෙන ගණුදෙනුකරුවන්ගෙන් අති බහුතරයක් එලෙස පැමිණෙනුයේ මුදල් ගණුදෙනු සඳහා නොව ණය හෝ ආයෝජන වැනි මූල්‍ය කටයුතු පිළිබඳ සාකච්ඡා කිරීමට බැවිනුයි ඔවුන් මෙම තීරණය ගෙන ඇත්තේ.
ගතවූ වසර 04 තුළදි මුදල් ගණුදෙනු සඳහා ANZ බැංකු ශාඛා වෙත පැමිණෙන ගණුදෙනුකරුවන්ගේ කැපී පෙනෙන පහළයාමක් නිරීක්ෂණය වී ඇතැයි සඳහන්.
එමෙන්ම මේ වනවිට දෛනික බැංකු කටයුතු සඳහා ශාඛා වෙත පැමිණෙන්නේ සියයට 08 ක් වැනි ඉතා සුලු පිරිසක් පමණක් බවද ANZ බැංකුව සඳහන් කරනවා.
බොහෝ පිරිසක් ඔන්ලයින් ක්‍රමයට ගණුදෙනු සඳහා පෙළඹි ඇති බැවින් කවුන්ටර් සේවා නතර කිරීම අධියර වශයෙන් ආරම්භ කිරීමටයි ANZ බැංකුව විධිවිධාන යොදා ඇත්තේ.
කෙසේවෙතත් Smart ATM යන්ත්‍ර හරහා මුදල් හෝ චෙක් තැන්පතු මෙන්ම මුදල් ආපසු ගැනීම් සේවා සඳහා තවදුරටත් අවස්ථාව පවතින බව ANZ බැංකුව ප්‍රකාශ කලා.
