නිවු සවුත් වේල්ස් ප්රාන්තයේ වේග සීමා කැමරා සංඛ්යාව ඉහළ දැමීමට තීරණය වී තිබෙනවා.
අනතුරු ඇගවීම් සංඥා ඇතුළත් වාහන වැඩි දියුණු කිරීමෙන් අනතුරුව මාර්ග වෙත එක් කිරීමටයි ප්රාන්ත රජය පියවර ගෙන ඇත්තේ.
වේග සීමා කැමරා සහිත වාහනයට පෙර සහ පසු අනතුරු ඇගවීම් සංඥා ප්රදර්ශනය පසුගිය ජනවාරි පළමුවනදා සිට අනිවාර්ය කෙරුණා.
කෙසේවෙතත් එම සංඥා ප්රමාණයෙන් විශාලවීම හමුවේ වාහන තුළ ගෙන යාමට නොහැකිවීමෙන් වාහන නවීකරණයටයි පියවර ගැණුනේ.
නිවු සවුත් වේල්ස් ප්රාන්ත රජය සතු වේග සීමා කැමරා අනතුරු ඇගවීම් සංඥා ඇතුළත් වාහන ගණන 143 ක්.
ඉන් 38 ක් දැනටමත් සේවයට එක් කර ඇති අතර තවත් 60 ක් මෙම මාසය තුළදි මාර්ග වෙත එක් කිරීමට නියමිතයි.
2021 වසරේදී වේග සීමා කැමරා මගින් රියදුරන් 66,000 ක් හඳුනාගෙන තිබූ අතර එය පසුගිය දෙසැම්බරයේදී 8,000 ක් දක්වා අඩුවී තිබුණා.