ඔස්ටේ්‍රලියාවට පැමිණීමේදී බලාත්මක ජෛව ආරක්ෂණ නීති සඳහා වන දඩ මුදල් ඉහළ දමා තිබෙනවා.
ඒ අනුව එම නියමයන් කඩකලහොත් ඩොලර් 266,400 ක උපරිම දඩයක් හෝ එම අවස්ථාවේදීම නියම කරන ඩොලර් 4,440 ක දඩ මුදලක් නියම කෙරෙනු ඇති.
ඉහළ අවදානම් සහිත ආහාර නිෂ්පාදන මෙරටට ගෙන ඒමේදී හසුවන පුද්ගලයන්ට මෙම නව ජෛව ආරක්ෂණ නීතිවලට මුහුණ දීමට සිදුවනවා.
ඩොලර් බිලියන 70.3 ක් වටිනාකමක් සහිත කෘෂිකාර්මික අපනයන කර්මාන්තය ආරක්ෂා කිරීමට, සහ ඒ ආශ්‍රිත රැකියාවල නිරත මිලියන 1.6 ක් ආරක්ෂා කිරීමට මෙන්ම ඔස්ටේ්‍රලියා ජීවන රටාව ආරක්ෂා කිරීමට මෙම නව නීති උපකාරී වන බවයි ෆෙඩරල් රජය පෙන්වා දෙන්නේ.
මෙතෙක් පැවති නීති යටතේ ඉහළ අවදානම් සහිත භාණ්ඩ සගවා තැබීමට උත්සාහ කළ පුද්ගලයන්ට මෙන්ම අඩු බරපතල ක්‍රියා සිදු කළ පුද්ගලයන්ට ලබාදුන් දඩුවම් සම තත්වයේ පැවතුණා.
නව නීති යටතේ පෙර දඩ මුදලට වඩා අමතර ඩොලර් 2000 කට ආසන්න මුදලක් ගෙවීමට සිදුවනවා.
(SBS)
