වයස අවුරුදු 18 ට වැඩි පුද්ගලයන්ට පැරසිටමෝල් අලෙවි කිරීම සීමා කිරීම කෙරෙහි ඔස්ටේ්‍රලියා බළධාරීන්ගේ අවධානය යොමුවී තිබෙනවා.
පැරසිටමෝල් අධි භාවිතය හමුවේ මෙරටදී සිදුවන මරණ සංඛ්‍යාව ඉහළ යාමත් රෝහල්ගතවන තැනැත්තන් ගණන ඉහළයාමත් සැළකිල්ලට ගෙනයි ජාතික ඖෂධ පරිපාලන අධිකාරිය (TGA) මෙම පියවර ගෙන ඇත්තේ.
මේ අනුව අවුරුදු 18 ට වැඩි තැනැත්තන් සඳහා ඖෂධ වට්ටෝරුව (prescription) නොමැතිව පැරසිටමෝල් අලෙවි නොකිරීමටත් එක් අයෙකුට නිකුත් කරන පැරසිටමෝල් පැකට් සංඛ්‍යාව 01 කට හෝ 02 කට සීමා කිරීමටත් අවධානය යොමුවී තිබෙනවා.
පැරසිටමෝල් අධි භාවිතය හමුවේ වසරකට ඔස්ටේ්‍රලියාවෙන් වාර්තා වන මරණ සංඛ්‍යාව 50 කට අධිකයි.
එමෙන්ම කාන්තාවන් සහ තරුණ තරුණියන් සැළකිය යුතු පිරිසක් දිනපතා රෝහල්ගත කෙරෙන බව ද සඳහන්.
ලබන ඔක්තෝබර් 14 වනදා තෙක් අදහස් හා යෝජනා ලබාගෙන මේ පිළිබඳ අවසන් තීරණයක් ගැනීමටයි TGA සූදානමින් සිටින්නේ.
