රංගන ශිල්පිණී දමිතා අබේරත්න ලබන 14 වනදා දක්වා රක්ෂිත බන්ධනාගාර ගතකර තිබෙනවා.
කොටුව මහේස්ත්‍රාත් අධිකරණයයි නියෝගය ලබාදී ඇත්තේ.
අරගලයේ ක්‍රියාකාරිණියක වූ රංගන ශිල්පිණි දමිතා අබේරත්න අද දහවල් කොටුව මහේස්ත්‍රාත් අධිකරණය වෙත ඉදිරිපත් කරනු ලැබුවා.
බත්තරමුල්ල පොල්දූව මංසන්දියේ කළු හෝරාව නමින් සංවිධාන කර තිබූ විරෝධතා සත්‍යග්‍රහයෙන් අනතුරුවයි කොළඹ උතුරු අපරාධ කොට්ඨාශය විසින් ඇයව ඊයේ රාත්‍රියේ අත්අඩංගුවට ගෙන තිබුනේ.
ජනාධිපති කාර්යාලයට බලහත්කාරයෙන් ඇතුළුවී එහි දේපල වලට හානි කිරීම හා අයුතු ජන රාශියක සාමාජිකයෙකුවීම යන චෝදනා මත දමිතා අබේරත්න අත්අඩංගුවට ගැනීමෙන් අනතුරුව කොටුව පොලිස් ස්ථානය වෙත රැගෙන එනු ලැබුවා.
