නිවු සවුත් වේල්ස් ප්‍රාන්තයේ වේග සීමා කැමරා (speed camera) භාවිතය සම්බන්ධයෙන් නව නියමයක් පණවා තිබෙනවා.
ඒ අනුව කිසියම් රියදුරෙකුට දඩයක් නියම කිරීමට පෙර අදාළ කැමරා උපාංග පැහැදිලිව දිස්වන ස්ථානයක පැවති බවට සාක්ෂි සහිතව ඔප්පු කල යුතු වනවා.
ආදායම් උපයා ගැනීමේ අරමුණින් පමණක් ඇතැම් අවස්ථාවලදී ළඳු කැලෑ වැනි ස්ථානවල වේග සීමා කැමරා පිහිටුවා ඇති බවට රියදුරන් විසින් චෝදනා කර තිබීම මීට හේතුවයි.
කෙසේවෙතත් කුමන වාතාවරණයකදී හෝ දඩු මුදල් අඩු කිරීමට හෝ නොගෙවා සිටීමට කිසිවෙකුටත් අවස්ථාවක් නොමැති බව නිවු සවුත් වේල්ස් ප්‍රාන්ත රජය අවධාරණය කරනවා.
මෙම වසර තුළදී පමණක් නිවු සවුත් වේල්ස් ප්‍රාන්ත රජයට අධී වේග දඩ හමුවේ ලැබී ඇති ආදායම ඩොලර් මිලියන 66 ඉක්මවා ඇතැයි තහවුරු වී තිබෙනවා.
ඒ වේග සීමා කැමරා සංඛ්‍යාව ඉහළ දැමීමත් සමගයි.
