මහජන විරෝධතා හමුවේ රටින් පළාගිය හිටපු ජනාධිපති ගෝඨාභය රාජපක්ෂ සති 07 කට පසු නැවත දිවයිනට පැමිණියා.
හිටපු ජනාධිපතිවරයා සහ ඔහුගේ බිරිඳ අයෝමා රාජපක්ෂ තායිලන්තයේ සිට සිංගප්පූරුව හරහා ඊයේ රාත්‍රී කටුනායක ගුවන් තොටුපළ වෙත පැමිණ තිබුණා.
ගෝඨාභය රාජපක්ෂ මහතා පිළිගැනීම සඳහා මැති ඇමතිවරුන් කිහිප දෙනෙකුම කටුනායක ගුවන් තොටුපොළට පැමිණ සිටියා.
දැඩි ආරක්ෂක රැකවල් මධ්‍යයයේ ඔවුන් ගුවන් තොටුපළේ සිට කොළඹ බලා රැගෙන යාමට පියවර ගෙන තිබුණා.
ඉකුත් ජුලි මස 09 වෙනිදා ඇතිවූ මහජන විරෝධතාත් සමග ගෝඨාභය රාජපක්ෂ මහතා මාලදිවයින බලා ගිය අතර පසුව ජුලි මස 14 වෙනිදා සිංගප්පුරුවට පැමිණීමෙන් පසු ඔහු ජනාධිපති ධුරයෙන් ඉල්ලා අස්වූවා.
දිවයිනට පැමිණි ගෝඨාභය රාජපක්ෂ ට හිටපු ජනාධිපතිවරයෙකුට හිමි වරප්‍රසාද ලබාදීමට රජය කටයුතු කර ඇති බවයි වාර්තා වුයේ.
