මෙල්බන් නුවර වාසය කරන ශ්‍රී ලාංකික චිත්‍ර ශිල්පියෙකු වන වර්නන් තිසේරා විසින් ටී 20 ක්‍රිකට් ලෝක කුසලානය වෙනුවෙන් Geelong Kardinia ක්‍රීඩාංගනයේ විශාල බිත්තියක බිතු සිතුවමක් නිර්මාණය කර තිබෙනවා.
ටී 20 ලෝක කුසලානය එක ගසක අතු මෙන් ජාතීන් එක්සත් කරමින් විදහා පෙන්වීමට තමා මෙහිදී කටයුතු කල බවයි ඔහු සඳහන් කලේ.
උපන් ශ්‍රී ලාංකීය දේශයටද ගරුත්වයක් ලබා දෙමින් මෙම බිතුසිතුවම තමා විසින් නිර්මාණය කිරීමේදී සිතේ ඇතිවුන ප්‍රධානතම හැගීම වූයේ එය බවද වර්නන් තිසේරා පෙන්වා දෙනවා.
මේ තමාට උපකාර කල සැමගේ දායකත්වයෙන් එකතුව කරණ ලද නිර්මාණයක් ලෙස නිහතමානිව සටහන් කරන බවත් ඔහු කියාසිටියා.
එමෙන්ම තමාගේ සුපුරුදු සිංහල අත්සන ද මෙම නිර්මාණයේ තබා ඇති බවයි වර්නන් තිසේරා සඳහන් කලේ.
