ලොව සෙසු රටවලට වඩා ඔස්ටේ්‍රලියානුවන් විද්‍යාව සහ විද්‍යාඥයන් කෙරෙහි වැඩි විශ්වාසයක් තබා ඇතැයි නවතම අධ්‍යයනයකදී අනාවරණ වී තිබෙනවා.
සෑම ඔස්ටේ්‍රලියානුවන් 10 දෙනෙකුගෙන් 09 දෙනෙකුම එලෙස විද්‍යාව සහ විද්‍යාඥයන් පිළිබඳ විශ්වාස කරන බවයි මෙහිදී තහවුරු වී ඇත්තේ.
සෑම 05 දෙනෙකුගෙන් 04 දෙනෙකුම විද්‍යාඥයන්ගේ කාර්යයන් පිළිබඳ දැනුවත් වීමට කැමැත්තෙන් පසුවන බවද 05 දෙනෙකුගෙන් 03 දෙනෙකුම විද්‍යාව හේතුවෙන් සෞඛ්‍ය අර්බුද වළක්වාගත හැකි බවද විශ්වාස කරන බව සඳහන්.
පුද්ගලයන් 1000 කට ආසන්න පිරිසක් යොදාගනිමිනුයි මෙම අධ්‍යයනය සිදුකර තිබුණේ.
ඊට සහභාගී වූවන්ගෙන් 10 න් 09 ක් ම පවසා තිබුණේ සමාජ මාධ්‍ය හරහා විද්‍යාත්මක කරුණු පිළිබඳ අසත්‍ය ප්‍රචාරයවීම වළක්වාලීමට පියවර ගත යුතු බවයි.
