තමන් ශ්‍රී ලංකාවෙන් පිටුවහල් කිරීමට ආගමන හා විගමන දෙපාර්තමේන්තුව ගෙන තිබෙන තීරණය බලරහිත කරන නියෝගයක් නිකුත්
කරන මෙන් ඉල්ලා ස්කොට්ලන්ත ජාතික කාන්තාවක වන කෙලිග් ෆ්‍රේසර් නැමැත්තිය විසින් ඉදිරිපත් කළ රිට් පෙත්සම විභාගයට නොගෙනම ප්‍රතික්ෂේප කර තිබෙනවා.
අභියාචනාධිකරණ විනිසුරු සෝභිත රාජකරුණා විසිනුයි එම නියෝගය නිකුත් කර ඇත්තේ.
පෙත්සම්කාරිය සිය පෙත්සමේ දක්වා තිබුණේ, තමා ගාලූ මුවදොර අරගලයට ක්‍රියාකාරීව මැදිහත් වූ බැවින් ආගමන සහ විගමන දෙපාර්තමේන්තුව විසින් තම වීසා බලපත්‍රය අත්තනෝමතික ලෙස අවලංගු කර ඇති බවයි.
කිසිදු සාධාරණ පදනමක් නොමැතිව ආගමන සහ විගමන දෙපාර්තමේන්තුව ගනු ලැබූ තීරණය නීතිවිරෝධී යැයි තීන්දු කොට එය බලරහිත කිරීමේ රීට් ආඥාවක් නිකුත් කරන ලෙසයි කෙලිග් ෆ්‍රේසර් තරුණිය අධිකරණයෙන් ඉල්ලා තිබුණේ.
