ඔස්ටේ්‍රලියාවේ ශ්‍රම බලකාය පුහුණු කිරීමේදී සහ පුහුණු ශ්‍රමිකයින්ගේ හිගය නිරාකරණය කිරීම පිළිබඳ රජයට උපදෙස් දීමට නව ආයතනයක් පිහිටුවීමට යෝජනාවක් ඉදිරිපත් වී තිබෙනවා.
Jobs and Skills Australia නම් ඊට අදාළ යෝජනාව ඊයේ පාර්ලිමේන්තුවට ඉදිරිපත් කරනු ලැබුවේ නිපුණතා සහ පුහුණු අමාත්‍ය බ්‍රෙන්ඩන් ඕ – කොනර් විසිනුයි.
ස්වාධීන ආයතනයක් ලෙස කටයුතු කරන මෙය Aged care, disability care සහ childcare ක්ෂේත්‍රවල රැකියා කිරීමට හැකි පුහුණු ශ්‍රමිකයින්ගේ හිගය පිළිබඳ වැඩි අවධානයක් යොමු කරනු ඇති.
ඔස්ටේ්‍රලියානු සේවා යෝජකයන් මුහුණ දෙන විශාලතම අභියෝග අතරට පුහුණු ශ්‍රමිකයින්ගේ හිගය ද අයත් බවයි නිපුණතා සහ පුහුණු අමාත්‍ය බ්‍රෙන්ඩන් ඕ – කොනර් ඊයේ පාර්ලිමේන්තුවේදී සඳහන් කලේ.
රැකියා පුරප්පාඩු පිරවීමට නොහැකි වූ ව්‍යාපාර සංඛ්‍යාව ඉහළ යාම ඔස්ටේ්‍රලියාවේ ආර්ථික වර්ධනය අඩාල කිරීමට ඉවහල් විය හැකි බව ද ඔහු කියාසිටියා.
ගොඩ ගැසී ඇති පුහුණු ශ්‍රමික වීසා අයදුම්පත් ලක්ෂ 6 ක් පමණ ඉක්මණින් සලකා බලා අවසන් කිරීමද මේ යටතේ සිදුවනු ඇති.
