නව කොවිඩ් ප්‍රභේද සඳහා රැපිඩ් ඇන්ටිජන් පරීක්ෂණ ප්‍රතිචාර නොදක්වන බවට වෛද්‍යවරුන් කණස්සල්ල පළකර තිබෙනවා.
එබැවින් සැක සහිත රෝගීන් වෙතොත් වහා පී සී ආර් පරීක්ෂණයක් වෙත යොමුවන ලෙසයි ඔවුන් දන්වා සිටින්නේ.
රැපිඩ් පරීක්ෂණ ගණනාවක් සිදුකල ඇතැමුන් කොවිඩ් ආසාධිත බව හෙළිවී නැතත් පී සී ආර් පරීක්ෂණවලදි ඔවුන් ආසාධිතයන් බවටයි හඳුනාගෙන ඇත්තේ.
දැනට ඔස්ටේ්‍රලියාව පුරා ව්‍යාප්තව පවතින ඔමික්‍රොන් නව ප්‍රභේද 02 මෙලෙස රැපිඩ් පරීක්ෂණ හරහා හඳුනාගත නොහැකි බවයි වෛද්‍යවරුන් පෙන්වා දෙන්නේ.
සැබෑ ආසාධිතයන් සමාජය තුළ ගැවසීම මගින් තවත් විශාල පිරිසක් ආසාධිතයන් බවට පත්විය හැකි බැවින් පී සී ආර් පරීක්ෂණ සඳහා පමණක් යොමුවන ලෙසටත් ඔවුන් ඉල්ලා සිටිනවා.
