හිටපු ජනාධිපති ගෝඨාභය රාජපක්ෂ අත්අඩංගුවට ගන්නැයි ඉල්ලා දකුණු අප්‍රිකාව පදනම් කරගත් ජාත්‍යන්තර සංවිධානයක් සිංගප්පූරුවේ නීතිපතිවරයා වෙත අපරාධ පැමිණිල්ලක් ගොනු කර තිබෙනවා.
රොයිටර් පුවත් සේවය වාර්තා කළේ 2019 වසරේ මෙරට සිවිල් යුද්ධය අතරතුර දී ගෝඪාභය රාජපක්ෂ ජිනීවා සම්මුතීන් බරපතළ ලෙස උල්ලංඝනය කරඇති බව පවසමින් මෙම පැමිණිල්ල ගොනු කර ඇති බවයි.
පිටු 63කින් යුත් අදාළ පැමිණිල්ල මගින් ප්‍රකාශ කර ඇත්තේ ආරක්ෂක ලේකම්වරයාව සිටි සමයේ සිදුවූ යුද අපරාධ සම්බන්ධයෙන් ශ්‍රී
ලංකාවේ හිටපු ජනාධිපතිවරයා අත්අඩංගුවට ගත යුතු බවයි.
දකුණු අප්‍රිකාව කේන්ද්‍ර කර ගත් සංවිධානයක නීතිඥවරුන් පිරිසක් මෙම පැමිණිල්ල ගොනු කර ඇති බවද රොයිටර් පුවත් සේවය දක්වා තිබුනා.
