සිඩ්නි ඇතුලු නිවු සවුත් වේල්ස් ප්‍රාන්තයේ ප්‍රවාහන සේවා අද දිනයේදි සියයට 70 කින් පමණ බිඳවැටෙනු ඇති බවට අනතුරු ඇගවෙනවා.
ඒ ප්‍රාන්ත රජය විසින් ඊයේ ලබාදෙන ලද පොරෙන්දු නොතකා ප්‍රවාහන සංගම් විසින් අඛණ්ඩව වෘත්තීය ක්‍රියාමාර්ගයක නිරතවීමට තීරණය කිරීමත් සමගයි.
ඇතැම් දුම්රිය අවලංගු වීමට හෝ ඇතැම් දුම්රිය සේවා ප්‍රමාදවීම මෙමගින් සිදුවනු ඇතැයි අපේක්ෂිතයි.
නිවු සවුත් වේල්ස් ප්‍රවාහන සංගම් ඉල්ලා සිටින එක් ඉල්ලීමක් වන සේවා වැඩිදියුණු කිරීම සඳහා ඩොලර් මිලියන 264 ක මුදලක් වෙන් කරන බවට ප්‍රාන්ත රජය විසින් ඊයේ පොරොන්දුවක් ලබාදි තිබුණා.
ඒහෙත් එම මුදල කිසිසේත් ප්‍රමාණවත් නොවන බවයි වෘත්තිය සංගම් අවධාරණය කරන්නේ.
මේ අතර නිවු සවුත් වේල්ස් හි ගුරුවරුන් ද අද වර්ජනයට එක්වීමට නියමිතයි.
