කොවිඩ් මර්දනයට දැනට සාර්ථක අත්හදාබැලීම් පෙන්නුම් කර ඇති මොල්නුපිරාවිර් කරල් විශේෂයේ කරල් ලක්ෂ 03 ක් මිළදී ගැනීමට ඔස්ටේ්‍රලියාව තීරණය කර ඇත.
අගමැති ස්කොට් මොරිසන් අද නිවේදනය කලේ ඒ සඳහා අවශ්‍ය අනුමැතිය ඉල්ලා ඇති බවයි.
කෙසේවෙතත් මෙම කරල සම්බන්ධයෙන් අමෙරිකාව තුළ සායනික පරීක්ෂණ අවසන්වීමට තවත් මාස කිහිපයක් ගතවිය හැකියි.
කොවිඩ් වෛරසය හේතුවෙන් සිදුවන රෝහල්ගත කිරීම් අඩකින් පමණ අඩු කල හැකි නව කරලක් නිපදවීමට අමෙරිකානු විද්‍යාඥයක් පිරිසක් සමත්ව තිබුණා.
මොල්නුපිරාවිර් ලෙස නම් කර ඇති එය දිනකට කරල් 02 ක් බැගින් කොවිඩ් රෝගීන්ට ලබාදී අත්හදා බලා තිබුණා.
එම ප්‍රථීඵල අතිශය සාර්ථක වී ඇති අතර මේ වනවිටත් මෙම කරල් විශේෂය හදිසි භාවිතය සඳහා අයදුම් කර ඇති බවයි නිෂ්පාදන සමාගම සඳහන් කලේ.
පුද්ගලයන් 775 දෙනෙකු යොදාගෙන සිදුකල අධ්‍යයනයෙන් පසු රෝහල්ගතවීමට තරම් රෝග ලක්ෂණ මතුවී ඇත්තේ සියයට 7.3 කට පමණයි.
කිසිදු මරණයක් වාර්තා නොවීමද විශේෂත්වයක්.
