පසුගිය අප්‍රේල් මාසයේදී Perth Children’s Hospital හිදී මියගිය 07 හැවිරිදි දැරිය වන Aishwarya Aswath ගේ දෙමව්පියන් විසින් බටහිර ඔස්ටේ්‍රලියා සෞඛ්‍ය දෙපාර්තමේන්තුවට එරෙහිව නීතිමය පියවර ගැනීමට කටයුතු කර තිබේ.
උණ රෝගයක් හේතුවෙන් ප්‍රතිකාර ගැනීමට ගිය මෙම දැරිය පැය 02 ක් පුරා නිසි ප්‍රතිකාර නොලැබ මරණයට පත්වූ බවටයි දෙමව්පියන් චෝදනා කර සිටින්නේ.
මූලික විමර්ශනයකදී හෙළීවූයේ රෝහල් කාර්ය මණ්ඩලය නිසි අවධානයක් නොදක්වා තිබූ බවටයි.
Aishwarya Aswath ගේ පියා වන Aswath Chavittupara පවසන්නේ මීට පෙර කවරෙකු හෝ මෙවැනි නීතිමය පියවරක් ගෙන තිබුණේ නම් තම දැරිය අදටත් ජීවතුන් අතර සිටින බවයි.
එමෙන්ම Aishwarya Aswath වෙනුවෙන් පිහිටුවන ලද ආධාර අරමුදලට ලැබෙන මුදල් යොදවා රෝහලක් ඉදි කිරීමට කටයුතු කරන බවත් ඔහු සඳහන් කලේය.
