ජාත්‍යන්තර සංචාරකයන් සඳහා දේශ සීමා විවෘත කිරීමේ මූලික අධියරක් ලෙස ඔස්ටේ්‍රලියාව විසින් ඩිජිටල් ගුවන් මගී කාඩ්පතක් හඳුන්වාදී තිබෙනවා.
මේ අනුව කිසියම් රටකට පැමිණීමෙන් පසු ගුවන් මගීන් විසින් මේ දක්වා ආගමන විගමන බළධාරීන් වෙත ඉදිරිපත් කල යුතුව තිබූ කඩදාසි ලියවිල්ල වෙනුවට ඉලෙක්ට්‍රොනික ලියවිල්ලක් භාවිතයට ගැනීමට නියමිතයි.
සිය ජංගම දුරකථනය හෝ පරිඝණකය යොදාගනිමින් එය සම්පූර්ණ කල හැකි වීම විශේෂත්වයක්.
ස්වදේශ කටයුතු අමාත්‍ය Karen Andrews පැවසුවේ එන්නත්කරණයට අදාළ තොරතුරු ඇතුලු සියලු දත්ත මීට අන්තර්ගත බැවින් Arrival කාඩ්පත සහ එන්නත්කරණ ලියවිල්ල යන ලේඛණ දෙකම තනි ඉලෙක්ට්‍රොනික ලියවිල්ලක් තුළ අන්තර්ගත කිරීම මෙහිදී සිදුවන බවයි.
ඉදිරියේදී වීසා – ජාතික හැඳුනුම්පත – රියදුරු බලපත්‍ර වැනි සියලුම ලේඛණද තනි ඉලෙක්ට්‍රොනික ලියවිල්ලකට ඇතුළත් කිරීමටයි ඔස්ටේ්‍රලියානු රජය සැලසුම් කර ඇත්තේ.
