ඔස්ට්‍රේලියාවේ බෙන්ඩිගෝ බෝධි ධම්ම විහාර භූමියෙහි රෝපණය වන්නා වූ අති උතුම් ජය ශ්‍රී මහා බෝධි අංකුරය වටා ඉදිවන, බෝධි ප්‍රාකාරයෙහි , සතර කොන්හි තැන්පත් වීමට නියමිත රනින් ආලේපිත බුද්ධ ප්‍රතිමා වහන්සේලා අති උතුම් ජය ශ්‍රි මහා බෝධීන් වහන්සේගේ ආශීර්වාදයට ලක් කරවීම පසුගියදා සිදු කෙරුණි.
ලංකාවේ අති දක්ෂ නිර්මානකරුවන් විසින් විශේෂයෙන්ම නිර්මාණය කරන ලද බුද්ධ ප්‍රතිමා වහන්සේලා සියළු දෙවි දේවතාවුන් වහන්සේලාගේ වන්දනාවට පාත්‍ර වීම පිණිස ජය ශ්‍රී මහා බෝධීන් වහන්සේ වැඩ වසන උඩ මළුව වෙත මහත් හරසරින් වැඩමවීමෙන් අනුතුරුව සර්ව රාත්‍රියක් පුරා එහි තැන්පත් කරන්නට යෙදිනි.
නොබෝ දිනකින්ම මෙම බුද්ධ ප්‍රතිමා වහන්සේලා, ඔස්ට්‍රේලියාවේ බෙන්ඩිගෝ බෝධි ධම්ම විහාර භූමියෙහිදී සියලු දෙනාටම වැද පුදා ගැනීමේ භාග්‍යය ලැබෙනු ඇත.
