Day: February 1, 2022

National Press Club හිදී අද පැවති දේශනයෙන් පසු ප්‍රශ්න උත්තර වාරයේදී අගමැති ස්කොට් මොරිසන් දැඩි අසීරුතාවයකට පත්ව තිබෙනවා. ඒ පාන් ගෙඩියක මිළ – ඉන්ධන මිළ සහ රැපිඩ් කට්ටලයක මිළ නිසි ආකාරයෙන් නොදැනුවත් බවට අගමැතිවරයාට ප්‍රසිද්ධියේ පිළිගැනීමට සිදුවීම හේතුවෙනුයි. රටේ ප්‍රධානියා මෙවැනි කරුණු සම්බන්ධයෙන් දැනුවත්ව නොසිටීම කණගාටුවට කරුණක් බවටද සමාජ මාධ්‍ය ඔස්සේ දැඩි විවේච්චනයක් එල්ල වී තිබෙනවා. එමෙන්ම නැවත වරක් මැතිවරණයකට මුහුණ දෙන අතරතුර අගමැති මොරිසන් මෙවැනි පසුබෑමකට ලක්වීමත් ඔහුගේ ජනප්‍රියත්වය සීඝ්‍රයෙන් පහළ බසින වාතාවරණයක මෙවැන්නක්

අද සිට මෙල්බන් නගරයේ e-scooters 1500 ක් පමණ කුළියට ලබාගැනීමේ පහසුකම සඳහා යොදවා තිබෙනවා. මෙල්බන් නාගරික කලාපය – සහ Port Phillip and City of Yarra කලාප තුළ ඒවා භාවිතයට ගැනීමට අවසර හිමිවනවා. පැයට කිලෝමීටර් 20 ක උපරිම වේගයෙන් මෙම e-scooters ධාවනය කල හැකියි. ජංගම දුරකථන ඇප්ලිකේෂනයක් හරහා ඒවා වෙන්කරවා ගත හැකියි. පදික මංතීරුවල කිසිදු අයුරකින් ඒවා පැදවීමට අවසර ලැබෙන්නේ නැහැ. එමෙන්ම ආරක්ෂිත නීති ගණනාවකට යටත්වීමටද ඒවා භාවිත කරන්නන්ට සිදුවනවා.

බැංකු පොළී අනුපාත සියයට 0.1 ක් ලෙසම පවත්වාගෙන යාමට ඔස්ටේ්‍රලියානු සංචිත බැංකුව තීරණය කර තිබෙනවා. මේ අනුව 2020 වසරේ නොවැම්බර් මාසයේදී සංශෝධනය කල අගයන්ම අඛණ්ඩව පවත්වාගෙන යනු ඇති. පසුගිය සතියේ නිකුත් වූ සංඛ්‍යාලේඛණ අනුව උද්ධමනය ඉහළයාමත් සමග පොළී අනුපාත ඉහළ දැමෙනු ඇති බවටයි අනාවැකි පළවුයේ. මේ අතර පසුගිය මාසයේදී ඩොලර් බිලියන 30 ක පමණ නිවාස ණය අනුමත කර ඇති බව අනාවරණ වනවා. ඔස්ටේ්‍රලියා සංඛ්‍යාලේඛණ දෙපාර්තමේන්තුව පෙන්වා දෙන්නේ පසුගිය වසර හා සැසඳීමේදී එය සියයට සියයට 4.4