Day: October 10, 2021

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 1,890 ක් හමුව ඇත. මරණ 5ක් ද වාර්තා විය​. මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 18,342 කි. ඊයේ දිනයේදී (09) වික්ටෝරියා ප්‍රාන්තය තුළ කොරෝනා පරීක්ෂණ 74,105 ක් සිදුකර ඇති අතර කොරෝනා එන්නත් මාත්‍රා 39,861ක් ලබා දී තිබේ. https://twitter.com/VicGovDH/status/1446961166283165696?s=20 අවදානම් ස්ථාන ලැයිස්තුව මෙතනින්- https://www.coronavirus.vic.gov.au/case-alerts-public-exposure-sites

නත්තල් සමය අවසන් වන තුරු වික්ටෝරියා ප්‍රාන්තය පුරා සති අන්තයේදීත් පාර්සල් බෙදා හැරීමට Australia Post තීරණය කර තිබේ. ඒ අනුව දැනට ගොඩ ගැසී ඇති පාර්සල් බෙදා හැරීම වේගවත් වනු ඇතැයි අපේක්ෂා කෙරේ. දිනකට පාර්සල් ලක්ෂ 10 ක් පමණ බෙදා හැරීමට හැකිවනු ඇතැයි Australia Post විශ්වාසය පළ කර සිටී. පසුගිය දිනවල පැවති ට්‍රක් රථ රියදුරු වර්ජනයත් – වික්ටෝරියා ප්‍රාන්තය ලොක්ඩවුන් කර තැබීමත් හමුවේ මේ වනවිට අති විශාල පාර්සල් සංඛ්‍යාවක් ගොඩගැසී ඇති බවයි Australia Post සඳහන් කලේ.