Day: July 10, 2021

නිවු සවුත් වේල්ස් හි regional ප්‍රදේශවල සිටින වික්ටෝරියා ප්‍රාන්තවාසීන්ට වහා සිය නිවාස වෙත ගමන් කරන ලෙස බළධාරීන් දැනුම් දෙයි. වික්ටෝරියා COVID19 අණ දෙන නිළධාරී Jeroen Weimar පැවසුවේ අදාළ ප්‍රදේශ වසා දැමීමේ අවධානමක් පැවතීම ඊට හේතුව බවයි. ඊයේ දිනයේදී NSW ප්‍රාන්තයෙන් කොවිඩ් ආසාධිතයන් 50 ක් වාර්තා වූ අතර මෙම වසරේදී ඔස්ටේ්‍රලියාවෙන් වාර්තා වූ විශාලම කොවිඩ් පොකුර බවට Bondi පොකුර පත්ව ඇත. මේ අතර නිවු සවුත් වේල්ස් ප්‍රාන්තයෙන් නීති විරෝධීව පුද්ගලයන් වික්ටෝරියා ප්‍රාන්තයට ඇතුලුවීම වළක්වාලීම සඳහා පොලිස් නිළධාරීන්

මෙල්බර්න් හි Ballarat, Corindhap ප්‍රදේශයේ ඊයේ පස්වරුවේ සිදුවූ රිය අනතුරකින් ශ්‍රී ලාංකිකයෙකු මියගොස් තිබේ. මෙලෙස මියගොස් ඇත්තේ ගාල්ල මහින්ද විද්‍යාලයේ ආදි සිසුවෙකු මෙන්ම මොරටුව විශ්ව විද්‍යාලයේ ආදි සිසුවෙකු වන කුෂාන් නිරෝෂණ නම් තරුණයෙකි. රෝහලට ගෙනයන විටත් ඔහු මියගොස් සිටි බව රෝහල් ආරංචි මාර්ග තහවුරු කර සිටී. ඊයේ පස්වරු 06 ට පමණ Ballarat – Colac මාර්ගයේදී මෝටර් රථය ගසක ගැටීමෙන් තරුණයා මියගොස් ඇත. Ballarat හි සිවිල් ඉංජිනේරුවරයෙකු ලෙස සේවය කරමින් සිටියදී කුෂාන් මෙම ඛේදවාචකයට මුහුණ දුන්නේය.

සිඩ්නි නගරයේ නිරෝධායන නීති කඩන්නන් සොයා සිදුකරන පොලිස් මෙහෙයුම් ඉහළ නංවා තිබේ. ඒ දිගින් දිගටම වෛරස් ආසාධිතයන් හමුවීම ඉහල යාමත් සමගයි. ඊයේ දිනයේදී මෙලෙස නීති කැඩූ 167 දෙනෙකුට දඩ පත්‍රිකා නිකුත් කර ඇති අතර ඉන් 08 දෙනෙකු නීති විරෝධිව සාදයක් පැවැත්වූ අය බව සඳහන්. මොවුන්ට ඩොලර් 1000 බැගින් දඩ නියම කර තිබේ. Waterloo හි Meriton Suites හෝටලයේදී මෙලෙසම සාදයක් පැවැත්වූ පිරිසක් අතුරින්ද කොවිඩ් ආසාදිතයන් 35 ක් පසුගියදා වාර්තා විය. Pic – 9News

ගතවූ පැය 24 තුළදී නිවු සවුත් වේල්ස් ප්‍රාන්තයෙන් කොවිඩ් ආසාධිතයන් 50 දෙනෙකු වාර්තා වී ඇත. ඉන් 26 දෙනෙකුම වෛරසය ආසාධනය වී තිබියදී සමාජයේ සැරිසරා ඇතැයි හෙළිකරගෙන තිබේ. මෙය ඉතා බරපතල තත්වයක් බව NSW ප්‍රාන්ත අගමැතිනී Gladys Berejiklian කියයි. මේ අතර නිවු සවුත් වේල්ස් හි Lockdown තත්වය ඇතැම්විට අගෝස්තු මාසයෙන් ඔබ්බට වුවද පැවතිය හැකි බවටයි සෞඛ්‍ය අංශ අනතුරු අගවන්නේ. https://twitter.com/NSWHealth/status/1413664287743037444?s=20 Pic – Getty

මෙල්බර්න් හි Southbank නිවාස සංකීර්ණයකදී පුද්ගලයෙකුට තියුණු ආයුධයකින් පහරදී ඝාතනය කර තිබේ. Sturt Street හි නිවාස සංකීර්ණයක මෙම ඝාතනය සිදුව ඇත. බරපතල තුවාල ලබා සිටි අදාල පුද්ගලයා එම ස්ථානයේදීම මියගොස් තිබිණ. ඔහුගේ අනන්‍යතාවය මේ දක්වා හෙළිවී නොමැති බව වික්ටෝරියා පොලිසිය කියයි. සිද්ධිය සම්බන්ධයෙන් එක් සැකකරුවෙකු මේ වනවිට අත්අඩංගුවට ගෙන තිබේ. Pic – 9News