Day: May 4, 2021

ඉන්දියාවෙන් ගුවන් යානා ගෙන්වා ගැනීමේ තහණම ලබන 15 වනදා නිමාවකට පත් කරන බව අගමැති ස්කොට් මොරිසන් පවසනවා. ඒ අනුව දැනට එරට සිරවී සිටින ඔස්ටේ‍රලියානුවන් 9000 ක් හැකි ඉක්මණින් ගෙන්වා ගැනීමට පියවර ගන්නා බවයි අගමැතිවරයා කියාසිටියේ. අයි පී එල් තරගාවලියට ගොස් සිටින ක්‍රිකට් ක්‍රීඩකයන් ඇතුලු විශාල පිරිසක් රටට ගෙන්වා නොගැනීම සම්බන්ධයෙන් මොරිසන් රජය මේ වනවිට දැඩි දෝෂාරෝපණයට ලක්වී සිටිනවා. කෙසේවෙතත් ඊට ප්‍රතිචාර දක්වමින් අගමැතිවරයා සඳහන් කලේ සියලු ඔස්ටේ්‍රලියානුවන්ගේ ආරක්ෂාව පතා තමන් එම පියවර ගත් බවයි.

ඔස්ටේ්‍රලියාවේ දිගම මාර්ග උමග ඉදි කරන බව නිවු සවුත් වේල්ස් ප්‍රාන්ත රජය නිල වශයෙන් නිවේදනය කලේය. Blackheath සිට Mount Victoria දක්වා කිලෝමීටර් 11 ක දුරකට එය ඉදි කිරීමට යෝජිතයි. එමගින් මගීන් / සංචාරකයන් සහ ට්‍රක් රියදුරන් මුහුණ දෙන අධික රථවාහන තදබදය අවම කර ගැනීමට අපේක්ෂා කෙරේ. මේ සඳහා ඩොලර් බිලියන 8 ක මුදලක් වැයවනු ඇති බවට ගණන් බලා ඇත.