ගතවූ පැය 24 තුළදී කොවිඩ් ආසාධිතයන් 10 දෙනෙකු වාර්තා වුවද වික්ටෝරියා ප්‍රාන්තය Lockdown කිරීමකට මේ දක්වා තීරණයක් ගෙන නැතැයි සෞඛ්‍ය අංශ පැවසීය.
ප්‍රාන්ත කොවිඩ් අණ දෙන නිළධාරී Jeroen Weimar මේ බව කියාසිටියේ මෙල්බර්න් නුවර පැවති මාධ්‍ය හමුවකට එක්වෙමිනුයි.
අවසානයට සටහන්වූ ආසාධිතයන් දෙදෙනා MCG ක්‍රීඩාංගණයේ පසුගිය සෙනසුරාදා පැවති Carlton v Geelong තරගය නැරඹීමට ගොස් ඇති බවද ඔහු සඳහන් කලා.
ඔවුන් සමීපයේ අසුන් ගෙන සිටියේ කවුරුන්දැයි තවමත් අවිනිශ්චිත බවයි Jeroen Weimar ප්‍රකාශ කලේ.
මේ අතර වික්ටෝරියා ප්‍රාන්තය තුළ 10,000 කට වැඩි පිරිසක් මේ වනවිට නිරෝධායනයේ යෙදී සිටින බවයි අණ දෙන නිළධාරීවරයා කියාසිටියේ.
එමෙන්ම කොවිඩ් අවධානම හමුවේ මෙල්බර්න් හි 03 වන පාසලත් වසා දමා ඇත.
Murrumbeena හි St Patrick’s පාසල මෙලෙස වසා දමා ඇත්තේ 04 වසරේ සිසුවෙකු ඩෙල්ටා වෛරසය ආසාධනය වී ඇතැයි අනාවරණ වීමත් සමගයි.
ඒ අනුව එම ශ්‍රේණියේ සියලුම සිසුන් මේ වනවිට හුදකලා කර තිබෙනවා.
Pic – BBC
