ලෝකයේ ලාබාලම තරුණ තානාපතිනිය ලංකාවෙන්

පින්ලන්ත​යේ ‘Hundred’ තරුණ තානාපතිවරුන්ගේ සංවිධානයේ තරුණ තානාපතිවරයකු ලෙස තෝරාගෙන තිබෙන්නේ ඕමානයේ මස්කට් නුවර පදිංචිව සිටින ශ්‍රී ලාංකීය දැරියක් වන සෙනුලි බිනාරා ය.

ඇය ලොව ලාබාලතම තරුණ තානාපතිවරිය ලෙස පත්වීම ශ්‍රී ලංකාවටද ආඩම්බරයකි.

තවමත් 14 හැවිරිදි මේ දැරිය අද වනවිට ලොව බොහෝ රටවල කතාබහට ලක්වූ අයෙක් වීමත් ජාත්‍යන්තර සමුළුවලද කතාකිරීමට තරම් දක්‍ෂ වී ඇති බවත් කිය යුතුය.

“මම දැනට ජීවත් වෙන්නේ ඕමානයේ. ඕමානයේ මස්කට් නුවර ශ්‍රී ලංකා පාසලේ 7 වැනි ශ්‍රේණියේ ඉගෙන ගන්නේ. ඉගෙනීමේ වැඩ කරගෙන යන අතරේ මම අමතර ක්‍රියාකාරකම් ගොඩක් කරනවා.

ඒ වගේම මම ඕමානයේ රාජකීය ඔපෙරා හවුස් හි දිනපතා සංගීත පුහුණුවීම් කටයුතුත් කරනවා.

ලංකාවෙන් එහි ඉගෙනගන්න ලැබුණු පළමුවැනි ශිෂ්‍යාව මමයි. ගායනය හා කථික අංශ දෙකෙන්ම මම ජාත්‍යන්තර සම්මාන රැසක් හිමිකරගත්තා.   

“ලෝකයේ ලාබාලතම තරුණ තානාපතිවරිය ලෙස Hundred සංවිධානයේ කටයුතු ඉදිරියට කරගෙන යන අතරේ මම ‘Green Heart Foundation’ නමින් මගේම සංවිධානයක් ආරම්භ කළා.

මෙය ලාබ නොලබන පදනමක්. අනාගත ලෝකය සඳහා සංවර්ධිත, තිරසාර, බුද්ධිමත් හා අවබෝධයක් යුතු සැමට සමාගම සලකනු ලබන එකක් වගේම සාමකාමී පරම්පරාවක් නිර්මාණය කිරීම සඳහා තරුණ තරුණියන් සූදානම් කිරීම, පෙළඹවීම හා මඟ පෙන්වීමත් ලබා දෙනවා.

අපගේ සොබාදහම ආරක්‍ෂාවත්, ඒ සඳහා ප්‍රමුඛතාවක් ලබාදෙන පරිසර හිතකාමී නවෝත්පාදන සිදුකිරීම දිරිමත් කිරීමත් මෙයින් සිදු කරනවා. “

Source – Lankadeepa

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »