වික්ටෝරියා ප්‍රාන්තයේ සිට පැමිණෙන පුද්ගලයන් සඳහා අනිද්දා එනම් ලබන බදාදා සිට නැවතත් නවසීලන්තයට ඇතුලුවීමට අවසර ලැබී තිබේ.
සංචාරක බුබුලු ක්‍රමය යටතේ මෙලෙස ඔවුන්ට නවසීලන්තයට ඇතුලුවීමට අවසර හිමිවනු ඇත.
මෙල්බර්න් නගරය ආශ්‍රිතව හටගත් කොවිඩ් පොකුර හමුවේ වික්ටෝරියා ප්‍රාන්තයේ සිට පැමිණෙන පුද්ගලයන්ට නවසීලන්තයට ඇතුලුවීම තාවකාලිකව අත්හිටුවා තිබිණ.
කෙසේවෙතත් මේ වනවිට මෙල්බර්න් කොවිඩ් පොකුර පාලනයවීමත් සමග නැවතත් සිය රටට වික්ටෝරියා සිට පැමිණෙන පුද්ගලයන්ට පැමිණීමට අවසරදීමටයි නවසීලන්ත අගමැතිනී ජසින්ඩා ආර්ඩර්න් තීරණය කර ඇත්තේ.
එහෙත් මේ වනවිට නැවතත් කොවිඩ් පොකුරක් හටගෙන ඇති නිවු සවුත් වේල්ස් ප්‍රාන්තයේ සිට පැමිණෙන කිසිවෙකුටත් නවසීලන්තයට පිවිසීමට අවසර හිමිවන්නේ නැහැ.
