ඛණිජතෙල් විෂයභාර අමාත්ය උදය ගම්මන්පිල ඉල්ලා අස්විය යුතු බව ශ්රී ලංකා පොදුජන පෙරමුණ අවධාරණය කරනවා.
ඉන්ධන මිල ඉහල දැමීම හරහා උද්ගතව ඇති තත්වය පිළිබදව විශේෂ නිවේදනයක් නිකුත් කරමින් ශ්රී ලංකා පොදුජන පෙරමුණ අවධාරණය කරන්නේ ඉන්ධන මිල ඉහල දමා රජය අසීරුතාවට පත්කිරීම සම්බන්ධයෙන් සම්පූර්ණ වගකීම විෂයභාර අමාත්යවරයා විසින් භාරගත යුතු බවයි.
අභියෝග රැසකට මුහුණදෙමින් සංවර්ධනය වෙනුවෙන් රජය කැපවී කටයුතු කරන අවස්ථාවක තම පක්ෂය සහ එහි නායකයන් අප්රසාදයට පත්කිරීම උදෙසා මෙවැනි තත්වයක් ඇතිකරනු ලබන්නේදැයි සාධාරණ සැකයක් පවතින බවයි ශ්රී ලංකා පොදුජන පෙරමුණ පෙන්වා දෙන්නේ.
ජනතාව කොරෝනා උවදුර මත දැඩි පීනයකට පත්ව ඇති මෙවන් අවස්ථාවක තෙල් මිල වැඩි කිරීම මගින් ජනතාව මත අතිරේක පීඩනයක් ඇතිකිරීම නොකළයුතු තත්වයක් බවත් මෙම තත්වය වෙනස් විය යුතු බවත් පක්ෂයේ මතය බවයි ශ්රී ලංකා පොදුජන පෙරමුණ නිකුත් කළ නිවේදනය මගින් අවධාරණය කර ඇත්තේ.