පසුගියදා ඔස්ටේ්‍රලියාවේ මෙල්බර්න් නගරයෙන් ශ්‍රී ලංකාවේ පුරවැසියකු හරහා නව කොවිඩ් ප්‍රභේදය පැතිරවූ බවට වාර්තා වූ පුද්ගලයා ශ්‍රී ලංකාව තුළට පැමිණි පුද්ගලයෙකු නොවන බවත් ලංකාව හරහා එරටට ගිය පුද්ගලයෙකු බවට තොරතුරු වාර්තා වී ඇති බවත් ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යා සහ සෛල ජෛව විද්‍යායතනයේ අධ්‍යක්ෂ, වෛද්‍ය චන්දිම ජීවන්දර අනාවරණය කළා.
මෙල්බර්න් නුවරින් පසුගිය දා හමුවූ කොවිඩ් ඩෙල්ටා ප්‍රභේදය ශ්‍රී ලංකාවෙන් පැමිණි පුද්ගලයෙකුගෙන් සම්ප්‍රේෂණය වී ඇති බව එරට බලධාරීන් පැවසීය.
නමුත් වෛද්‍ය චන්දිම ජීවන්දර පවසන්නේ, එම ගුවන් මගියා ශ්‍රී ලංකාව හරහා (Transit passenger)මෙල්බර්න් නුවරට ගිය පුද්ගලයෙකු බවය.
එම පුද්ගලයා ලංකාව තුළට කිසිදු අවස්ථාවක ඇතුළුවී නොමැති බවට තහවුරු වී ඇති බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යා සහ සෛල ජෛව විද්‍යායතනයේ අධ්‍යක්ෂ, වෛද්‍ය චන්දිම ජීවන්දර කියාසිටියේය.
එනිසා එම පුද්ගලයා ලංකාවේ සමාජයෙන් වාර්තා වු පුද්ගලයෙකු නොවන බව වෛද්‍යවරයා වැඩිදුරටත් පැවසීය.
