අද මධ්‍යම රාත්‍රියේ සිට මෙල්බර්න් නාගරික කලාපය සඳහා ක්‍රියාත්මක කිරීමට නියමිත Lockdown නීති ලිහිල් කිරීමේදී මුහුණු ආවරණ නීතිය සංශෝධනය කර තිබෙනවා.
වික්ටෝරියා ප්‍රාන්ත වැඩ බලන අගමැති ජේම්ස් මර්ලීනෝ ඊයේ පැවති මාධ්‍ය හමුවේදී පැවසුවේ අද එනම් බ්‍රහස්පතින්දා මධ්‍යම රාත්‍රියේ සිට මෙල්බර්න් නාගරික කලාපය තුළ ගෘහස්ථ කටයුතුවලදී පමණක් මුව ආවරණ තවදුරටත් අනිවාර්ය වන බවයි.
එළිමහන් අවස්ථාවලදී එය අනිවාර්ය නැතැයිද ඔහු සඳහන් කලා.
කෙසේවෙතත් අද දිනයේදී ප්‍රාන්ත වැඩ බලන අගමැතිවරයා කියාසිටියේ සෑම එළිමහන් අවස්ථාවකදී පවා මුහුණු ආවරණ පැළඳීම අනිවාර්ය වන බවයි.
කොවිඩ් තත්වය පාලනයේදී සිදුකල හැකි සරලම කැපකිරීම මුහුණු ආවරණ පැළඳීම බවයි ඔහු වැඩිදුරටත් සඳහන් කලේ.
