ශ්‍රී ලංකාවේ ආයෝජන හා අධ්‍යාපන ක්ෂේත්‍ර ප්‍රවර්ධනයට සහාය ලබාදෙන බවට ඔස්ටේ්‍රලියාව සහතික වී තිබෙනවා.
මහ කොමසාරිස් ඩේවිඩ් හෝලි මහතා මේ බව කියාසිටියේ ජනාධිපති ගෝඨාභය රාජපක්ෂ සමග ජනාධිපති කාර්යාලයේ දී පැවැති හමුවකදීයි.
මෑත කාලයේදී ශ්‍රී ලංකා මුහුදු සීමාවේදී නෞකා අනතුරු දෙකක් සිදු වූ බවත් එමගින් සිදුවන පරිසර හානිය තක්සේරු කිරීමට සහ කාබනික පොහොර මත පදනම් වු කෘෂිකර්මාන්තයක් වෙනුවෙන් රජය ක්‍රියාත්මක කර ඇති වැඩපිළිවෙළට ඔස්ටේ්‍රලියානු රජයේ තාක්ෂණික සහාය අපේක්ෂා කරන බවත් රාජපක්ෂ මහතා එහිදී සදහන් කර තිබෙනවා.
ඒ සදහා සුභවාදී පිළිතුරක් ඩේවිඩ් හෝලි ගෙන් ලැබුණු බවයි ජනාධිපති මාධ්‍ය අංශය නිකුත් කල නිවේදනයේ දැක්වෙන්නේ.
කොවිඩ් ප්‍රතිකාර කටයුතු සඳහා ඔස්ටේ්‍රලියානු රජයෙන් පරිත්‍යාග කළ වෛද්‍ය උපකරණ තොගයක් රැගත් ගුවන් යානයක් ලබන 03 වන දා ශ්‍රී ලංකාවට ළගා වීමට නියමිත බවද මහ කොමසාරිස්වරයා ජනාධිපති ගෝඨාභය රාජපක්ෂ වෙත දැනුම් දී තිබෙනවා.
