දින 07 ක Lockdown තත්වය හේතුවෙන් වික්ටෝරියා ප්‍රාන්තයේ ආර්ථිකයට ඩොලර් බිලියනයක පමණ පාඩුවක් සිදුවනු ඇති බවට ගණන් බලා තිබේ.
විශේෂයෙන් Casual සේවකයන් සහ කුඩා පරිමාණ ව්‍යාපාරිකයන්ට මෙමගින් වැඩිම බලපෑමක් එල්ලවනු ඇති බවටයි ගණන් බලා ඇත්තේ.
දැනට වික්ටෝරියා ප්‍රාන්තයේ සිටින Casual සේවකයන් සංඛ්‍යාව ලක්ෂ 05 කට අධික වන අතර විශේෂයෙන් සතිපතා හෝ සති 02 කට වරක් වැටුප් ගන්නා ඔවුන්ට මෙම තත්වය හමුවේ ආදායම් මාර්ග ඇහිරී යන තත්වයකුයි උදාවී ඇත්තේ.
මෙහි වැඩිම බලපෑම එල්ලවී ඇත්තේ දැනට කිසිදු අයුරකින් විවෘත කිරීමට අවසර නොමැති කොණ්ඩා සැකසුම් මධ්‍යස්ථාන වැනි ආයතනවල සේවය කරන ස්ථිර පදනමින් නොවන Casual සේවකයන්ටයි.
