රටවල් කිහිපයක් ඔක්ස්ෆර්ඩ් ඇස්ට්‍රා සෙනෙකා එන්නත භාවිත කිරීම අත්හිටුවා ඇතත් කොවිඩ් එන්නත්කරණ වැඩසටහන නතර නොකරන ලෙස ලෝක සෞඛ්‍ය සංවිධානය සෑම රටකටම දැනුම් දෙනවා.
ඔක්ස්ෆර්ඩ් එන්නත සහ රුධිර කැටි ගැසීම් අතර කිසිදු සබඳතාවයක් ඇතැයි මේ දක්වා අනාවරණ වී නොමැති බවයි ඔවුන් අවධාරණය කරන්නේ.
ජර්මනිය / ප්‍රංශය / ඉතාලිය සහ ස්පාඤ්ඤයද මේ වනවිට එන්නත් ලබාදීම අත්හිටුවා තිබෙනවා.
පවතින තත්වය සම්බන්ධයෙන් සාකච්ඡා කිරීමට ලෝක සෞඛ්‍ය සංවිධානයේ එන්නත්කරණ විශේෂඥයන් අද රැස්වීමට නියමිතයි.
යුරෝපය පුරා මිලියන 17 කට පමණ ඇස්ට්‍රා සෙනෙකා එන්නත දී ඇතත් මේ දක්වා රුධිර කැටි ගැසීම් සිදුවීම් වාර්තා වී ඇත්තේ 40 කටත් අඩු සංඛ්‍යාවක බවයි නිෂ්පාදන සමාගම අවධාරණය කරන්නේ.
