ඔස්ට්‍රේලියාවේ පශ්චාත් අධ්‍යයන වීසා සඳහා බලපාන වයස අවුරුදු 35 දක්වා සීමා කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.
ඒ අනුව 2024 ජූලි 1 වනදා සිට එම නීතිය බලාත්මක වන අතර තාවකාලික උපාධි වීසා වැඩසටහන් රැසක වෙනස්කම් සිදුකර ඇති බවයි වාර්තා වන්නේ.
ඔස්ට්‍රේලියා රජය මෑතකාලිනව සිදු කළ සංක්‍රමණ උපාය මාර්ගවල වෙනස්කම්වලට අදාළව තාවකාලික උපාධි වීසා වැඩසටහන් සම්බන්ධව නව යෝජනා මීට ඇතුලත් කර තිබෙනවා.
මෙහිදී පශ්චාත් උපාධි අධ්‍යනයන් සදහා හොංකොං සහ බ්‍රිතාන්‍ය ජාතික විදේශ ගමන් බලපත්‍ර හිමි සංක්‍රමණිකයින්ට වයස අවුරුදු 50ට අඩු වන්නේ නම් ඒ සඳහා අවස්ථාව ලබාදීම විශේෂත්වයක්.
මෙලෙස වයස් සීමාව අඩු කිරීම හේතුවෙන් පශ්චාත් උසස් අධ්‍යාපනය සදහා තවදුරටත් සුදුසුකම් නොලබන අයදුම්කරුවන්හට වෙනත් වීසා බලපත්‍ර ක්‍රම හඳුන්වා දීමටද යෝජනා ඉදිරිපත්ව තිබෙනවා.
මේ සම්බන්ධ වැඩිදුර තොරතුරු ස්වදේශ කටයුතු දෙපාර්තමේන්තු වෙබ් අඩවියෙන් ලබා ගත හැකියි.
https://immi.homeaffairs.gov.au/visas/getting-a-visa/visa-listing/temporary-graduate-485/changes
