මෙවර ඇන්සක් ඩේ සැමරුම් පෙළපාලි සඳහා ශ්රී ලංකාවේ හිටපු ත්රිවිධ හමුදා සාමාජිකයින් රැසක් ද ඔස්ට්රේලියාවේ මෙල්බන් නගරයට ඒකරාශී වී තිබෙනවා.
දෙවන ලෝක යුධ සමයේදී සහ අනෙකුත් යුධ ගැටුම්වලදී මියගිය ඔස්ට්රේලියා සහ නවසීලන්ත රණවිරුවන් අනුස්මරණය කෙරෙන ANZAC දිනය රටපුරා අභිමානවත් ආකාරයෙන් අද සැමරෙනවා.
ඔස්ට්රේලියාවේ වෙසෙන විවිධ සංක්රමණිකයින් ද තම රටවල් නියෝජනය කරමින් ජාතික ධජයන් අතැතිව මේ සදහා සහභාගී වී ඇති බවයි වාර්තා වන්නේ.
දැනට ඔස්ට්රේලියාවේ වෙසෙන ත්රිවිධ හමුදාව නියෝජනය කරනු ලබන හිටපු රණවිරුවන් රැසක්ද ශ්රී ලංකා ධජය සහිතව පෙළපාලි සදහා එක්වීම විශේෂත්වයක්.
එම නිලධාරීන් තම පදක්කම් සහ හිස්වැසුම් පැලද පෙළපාලි සඳහා එක්ව තිබූ ආකාරය දැක ගැනීමට හැකිවුණා.
ශ්රී ලාංකිකයින් මෙන්ම ඔස්ට්රේලියාවේ වෙසෙන අනෙකුත් සංක්රමණික ජනතාව ද ANZAC දින සැමරුම් සඳහා එක්ව තිබීම විශේෂත්වයක්.