සහරා කාන්තාරයෙන් පැමිණෙන දූවිලි වලාකුළු සමඟ ග්‍රීසියේ ඇතන්ස් නගරයට ඉහළින් අඟහරු ග්‍රහ ලෝකයට සමාන තැඹිලි පැහැති දුමාරයක් මතුවී ඇතැයි වාර්තා වනවා.
මෙය 2018 වසරෙන් පසු ග්‍රීසියට බලපෑ නරකම සිදුවීම්වලින් එකක් ලෙසටයි සැලකෙන්නේ.
ස්විට්සර්ලන්තයේ සහ දකුණු ප්‍රංශයේ ඇතැම් ප්‍රදේශවල ද පසුගිය මාර්තු අග සහ අප්‍රේල් මුල් සතියේ මේ හා සමාන වලාකුළු තත්වයක් හටගෙන තිබුණා.
රටේ බොහෝ ප්‍රදේශවල වාතයේ ගුණාත්මක භාවය පිරිහී ඇති අතර බදාදා උදෑසන ඇතැන්ස්හි පැවති දූවිලි තත්වය හේතුවෙන් තවදුරටත් එම තත්වය වර්ධනය වූ බව සඳහන්.
කාලගුණ විද්‍යාඥයන් පෙන්වා දෙන්නේ මේ වන විට ඇතන්ස් හි දර්ශනය අඟහරු ග්‍රහලෝකයට සමාන දර්ශනය තත්වයක් පෙන්නුම් කෙරෙන බවයි.
ශ්වසන ආබාධ සහිත ග්‍රීක ජාතිකයින්ට එළිමහනේ ගත කරන කාලය සීමා කරන ලෙසත්, ආරක්ෂිත මුහුණු ආවරණ පැළඳීමටත්, දූවිලි වලාකුළු ඉවත් වන තුරු ශාරීරික ව්‍යායාම කිරීමෙන් වළකින ලෙසත් දැනුම්දී තිබෙනවා.
සහරා කාන්තාරය වසරකට දූවිලි ටොන් මිලියන 60 සිට 200 දක්වා නිකුත් කරනු ලබනවා.
ඇතැම් දූවිලි ඉක්මනින් යළි පොළොවට පතිත වන අතර ඇතැම්විට කුඩා අංශු යුරෝපයට ද ගමන් කරන බවයි පැවසෙන්නේ.
