පර්ත් ආසන්න මුහුදු තීරයේ ඇති ඇල්ගී විශේෂයක් හේතුවෙන් පර්ත් හි සංචාරය කරන්නන්ට මුහුදේ දිය නෑම පිළිබඳ අනතුරු ඇඟවීමක් නිකුත් කර තිබෙනවා.
මෙම ඇල්ගී හේතුවෙන් සමේ කැසීම ඇතිවීමේ අවදානමක් ඇති බවටයි වෙරළ භාවිත කරන ජනතාවට දැනුම් දෙන්නේ.
බටහිර ඔස්ට්‍රේලියාවේ සෞඛ්‍ය අංශ ජනතාවගෙන් ඉල්ලා සිටියේ මෙම ඇල්ගී විශේෂය ස්පර්ශ කිරීමෙන් වළකින ලෙසටයි.
ඒවා ස්පර්ශ වීමෙන් සම හිරි වැටීම හෝ කැසීම වැනි අසාධන ඇති කළ හැකි බව සඳහන්.
ජලයේ ඇල්ගී අඩංගු විය හැකි බැවින් ජලයේ දුර්වර්ණ වීම් සහිත ප්‍රදේශවල පිහිනීම, කිමිදීම, ජෙට් ස්කීං සහ මසුන් ඇල්ලීමෙන් වැළකී සිටිය යුතු වනවා.
සුරතල් සතුන් ද එම ප්‍රදේශවල මුහුදට රැගෙන යාමෙන් වළකින ලෙසට දැනුම්දී තිබෙනවා.
රාජ්‍ය නිලධාරීන් විසින් බලපෑමට ලක්විය හැකි ප්‍රදේශ අධීක්ෂණය කරන අතර අනතුරු ඇඟවීමේ පුවරු ස්ථාපිත කිරීමට ද නියමිතයි.
දුර්වර්ණ වූ ජලය හෝ ඇල්ගී ස්පර්ශ වුවහොත් වහාම එය පිරිසිදු ජලයෙන් සෝදා ඉවත් කර වෛද්‍ය ප්‍රතිකාර ලබා ගත යුතු බවට දැනුම් දෙනවා.
