ඇන්සාක් දිනය සැමරීම සඳහා ඔස්ට්රේලියානුවන් දහස් ගණනක් හිරු උදාවීමට පෙර තම නගරවල රණවිරු ස්මාරක සහ සොහොන් කොත් වෙත පැමිණ සිටියා.
රණවිරු සැමරුම් සදහා වැඩිම ජනකායක් එක්ව සිටියේ මෙල්බන් නගරයට වන අතර උදෑසන 5.30ට පමණ එම අනුස්මරන ස්ථාන වෙත ජනතාව ඇදී ආ බව සඳහන්.
එසේම උදෑසන 8.30 රණවිරුවන් සිහිකරමින් පාගමනක් ද මෙල්බන්හිදී ආරම්භ වුණා.
පසුගිය වසරේ ඇන්සාක් දිනය සැමරීම සඳහා මෙල්බන් නගරයට 40,000ක පිරිසක් සහභාගී වූ අතර අද දිනයේදීත් එවැනිම ජනකායක් සහභාගී වූ බවයි වාර්තා වන්නේ.
අද දිනය පුරා ඔස්ට්රේලියාවේ සෑම රණවිරු අනුස්මරණ ස්ථානයකදීම මෙම සැමරුම් සිදුවනවා.
බ්රිස්බේන්හි පිහිටි ඇන්සාක් චතුරශ්රයේ ප්රධාන උත්සවය සවිධානය කර ඇති අතර එම කටයුතු අලුයම 4.28ට ආරම්භ වී තිබෙනවා.
පැපුවා නිව්ගිනියාවේ සංචාරයක නිරත අග්රාමාත්ය ඇන්තනි ඇල්බනීස් කොකෝඩා ධාවන පථයේ පා ගමනක නිරත වෙමින් අදාළ සැමරුම් සිදු කර ඇති බවයි වාර්තා වන්නේ.