බ්‍රිතාන්‍යයේ ඩයනා කුමරියගේ පළමු රැකියා කොන්ත්‍රාත්තු ලිපිය වෙන්දේසි කිරීමට පියවර ගෙන තිබෙනවා.
ඩයනා ස්පෙන්සර් වේල්ස් කුමරු සමඟ විවාහ වීමට වසර දෙකකට පෙර අත්සන් කරන ලද රැකියා කොන්ත්‍රාත්තුව ලෙසයි මෙය සැළකෙන්නේ.
මෙම ලේඛණය ඩොලර් දහස් ගණනකට වෙන්දේසි වනු ඇති බවට අපේක්ෂා කෙරෙනවා.
ඩයනා කුමරිය මෙම කොන්ත්‍රාත් ලිපිය 1979 වසරේ මැයි මාසයේදී කලු තීන්ත සහිත පෑනකින් සම්පුර්ණ කර අත්සන් තැබු ලිපියක් වනවා.
මෙම ලේඛණය ඩොලර් 10000ක මුදලක් දක්වා වටිනාකමකින් වෙන්දේසි කිරීමට බලාපොරොත්තු වන අතර ඩයනා කුමරියගේ පළමු නිල රැකියා කොන්ත්‍රාත්තුව ලෙසටයි මෙය සැලකෙන්නේ.
ඇය මෙලෙස ගිවිසුම් ගතව ඇත්තේ ළමා සුරැකුම් සේවාවක් සඳහා වන අතර ඩයනා කුමරිය ළමා රක්ෂණ කටයුතු සඳහා කැපී පෙනුන චරිතයක් ද වනවා.
