ඔස්ට්‍රේලියාවේ සැත්කමකට සූදානමින් ඉන්න අයට පණිවුඩයක්

නිව් සවුත්වේල්ස් ප්‍රාන්තයේ කාර්ය සාධක බලකායක ක්‍රියාමාර්ගවලින් පසු ශල්‍යකර්ම සඳහා වූ පොරොත්තු කාලය අඩු කිරීමට පියවර ගෙන තිබෙනවා.

පසුගිය වසරේ මාර්තු මාසයේදී හඳුන්වා දුන් ශල්‍ය සත්කාර පාලන කාර්ය සාධක බලකාය විසින්, සැලසුම් කළ ශල්‍යකර්ම සඳහා බලා සිටින රෝගීන් 14,000 කගේ ලැයිස්තුව 2000 දක්වා අඩු කර ඇති බවයි වාර්තා වන්නේ.

සෞඛ්‍ය තොරතුරු කාර්යාංශ වාර්තාවේ දත්තවලට අනුව සැලසුම් කළ සැත්කම් සඳහා තවමත් රෝගීන් සිටින අතර, සියයට 83.6ක් සැත්කම් නියමිත වේලාවට සිදු කරන බව සඳහන්.

හදිසි රෝගීන් තෝරා ගැනීමේ ක්‍රියා පටිපාටි සියල්ල නියමිත වේලාවට සිදු කරන බව ද වාර්තාව පෙන්වා දෙනවා.

COVID-19 වසංගතය අතරතුර සෞඛ්‍ය සේවා පද්ධතියට එල්ල වූ පීඩනය හේතුවෙන් සැත්කම්වල පසුබෑමක් ඇති වුව ද මේ වන විට එය යථා තත්වයට පත්ව ඇති බවයි වාර්තා වන්නේ.

කාර්ය සාධක බලකාය විසින් පෞද්ගලික සහ රාජ්‍ය අංශ දෙකෙහිම වෙනස්කම් සිදු කර ඇතැයි බව සෞඛ්‍ය අමාත්‍ය රයන් පාර්ක් ප්‍රකාශ කළා.

ශල්‍යාගාරවල පැය ගණන දීර්ඝ කිරීම, පෞද්ගලික රෝහල් සමඟ ශක්තිමත් හවුල්කාරිත්වයක් ගොඩ නගා ගැනීම, ඉදිරි පෙළ ශල්‍ය වෛද්‍යවරුන් සහ හෙද කාර්ය මණ්ඩලය සමඟ එක්ව කටයුතු කිරීම ඇතුළු නව ක්‍රියාමාර්ග රැසක් ද ගෙන තිබෙනවා.

විපක්ෂ නායක මාර්ක් ස්පීක්මන් පැවසුවේ ප්‍රාන්තයේ සෞඛ්‍ය සඳහා රජයේ මෙම ක්‍රියාමාර්ගවල ප්‍රතිඵලයෙන් ප්‍රයෝජන අත්වන්නේ රජයටම බවයි.

සැත්කම් සම්බන්ධ ක්‍රියාමාර්ගවලින් අනතුරුව හදිසි ප්‍රතිකාර අංශවල කාර්යක්‍ෂමතාව ඉහළ නැංවීම කෙරෙහි ඉදිරියේදී අවධානය යොමු කරන බවයි නිව් සවුත්වේල්ස් රජය සඳහන් කළේ.

ක්වීන්ස්ලන්ඩ්හි ශත 50 පොදු ප්‍රවාහන ගාස්තුවට බාධකයක්

අමතර රාජ්‍ය අරමුදල් යෙදවීමක් නොමැති වීම හේතුවෙන් පොදු ප්‍රවාහනයට නියම කළ ශත 50 ගාස්තුව ගැටළුවක් වනු ඇති බව බ්‍රිස්බේන් නගර සභාව අනතුරු අඟවනවා.

Read More »

ඇඩිලේඩ්හි සාප්පු සංකීර්ණයක් වැසූ පොලිස් මෙහෙයුම ගැන සියල්ල හෙළිවෙයි

දකුණු ඇඩිලේඩ් හි වෙස්ට්ෆීල්ඩ් මේරියන් සාප්පු මධ්‍යස්ථානයේ (Marion Shopping Centre) සිදු වූ හදිසි පොලිස් මෙහෙයුම තරුණයන් පිරිසක් අතර ඇතිවූ ගැටුමක් බව පොලිසිය පවසනවා.

Read More »

ජනප්‍රිය සංචාරක ගමනාන්තයකට මෙල්බන් සිට නව ගුවන් සේවාවක්

Jetstar සමාගම විසින් ජනප්‍රිය සංචාරක ගමනාන්තයක් වන ක්වීන්ස්ලන්ඩ්හි හර්වි බේ (Hervey Bay) දක්වා මෙල්බර්න් සිට නව ගුවන් සේවාවක් ආරම්භ කර තිබෙනවා.

Read More »

වික්ටෝරියා ප්‍රාන්තයේ සෞඛ්‍ය සේවාව ගැන තීරණයක්

වික්ටෝරියා ප්‍රාන්තයේ සෞඛ්‍ය සේවාව වෙනුවෙන් ලැබෙන අරමුදල් කප්පාදුවකට ප්‍රාන්ත රජය සූදානම් වන බවට තොරතුරු ලැබී ඇතැයි විපක්ෂ නායක ජෝන් පෙසුටෝ (John Pesutto) පවසනවා.

Read More »

ඇඩිලේඩ්හි වෙස්ට්ෆීල්ඩ් සාප්පු සංකීර්ණයක හදිසි පොලිස් මෙහෙයුමක්

ඇඩිලේඩ්හි Marion ප්‍රදේශයේ වෙස්ට්ෆීල්ඩ් සාප්පු මධ්‍යස්ථානයකට පැමිණි සන්නද්ධ පුද්ගලයෙක් හේතුවෙන් එහි ජනතාව ඉවත් කර විශේෂ මෙහෙයුමක් ආරම්භ කර තිබෙනවා.

Read More »