facebook ගිය මිත්තණියක් අමතක නොවෙන වංචාවකට හසුවෙයි

ෆේස්බුක් සමාජ මාධ්‍ය ඔස්සේ ඩොලර් 10000ක වංචාවකට හසුවු වයස්ගත කාන්තාවක් පිළිබඳ පුවතක් ඔස්ට්‍රේලියාවේ පර්ත් අගනුවරින් වාර්තා වනවා.

තමන් මෙලෙස වංචාවකට හසුවීමත් සමඟ ඇය ෆේස්බුක් භාවිත කරන්නන්ට ද අනතුරු ඇඟවීමක් කර තිබුණා.

ෆේස්බුක් ඔස්සේ ඩොලර් ලක්ෂ දෙකක මූල්‍ය ත්‍යාගයක් ලබා ගැනීම සඳහා ඩොලර් 1000ක් ආයෝජනය කරන ලෙස ලැබුණු පණිවුඩයට ප්‍රතිචාර දැක්වීමට යෑමේදී ඇය මෙලෙස මූල්‍ය වංචාවකට හසුවී ඇති බවයි වාර්තා වන්නේ.

මෙම මූල්‍ය ත්‍යාගය පිළිබඳ පණිවුඩය ඇයගේ ෆේස්බුක් ගිණුමෙහි සිටින සමීපතමයකු විසින් එවූවක් වන අතර එහි විශ්වාසනීයත්වය විමසීමට පෙර ඇය මුදල් යොදවා තිබූ බව සඳහන්.

පසුව අනාවරණ වී ඇත්තේ එම මිතුරාගේ ෆේස්බුක් ගිණුම මීට ඉහත දී හැකර්වරුන්ගේ ග්‍රහණයට නතුව ඇති බවයි.

පසුව ඇය සිය මිතුරිය සමග දුරකතනයෙන් සම්බන්ධවූ විට ෆේස්බුක් ඔස්සේ මූල්‍ය වංචාවකට ලක්ව ඇති බව වටහා ගෙන තිබුණා.

ඔස්ට්‍රේලියාවේ පාරිභෝගික ආරක්ෂණය පිළිබඳ වාර්තාවලට අනුව වයස අවුරුදු 60 ඉක්මවු පිරිස මෙලෙස අන්තර්ජාල මුල්‍ය වංචාවලට ඉතා පහසුවෙන් හසුවන බව තහවුරු වී තිබෙනවා.

2023 වසරේ දී පමණක් මෙලෙස වැඩිහිටි පිරිස් අන්තර්ජාල වංචාවලට හසුවීමේ ප්‍රවණතාව සියයට 62කින් ඉහළ ගොස් ඇති බවයි වාර්තා වන්නේ.

පාරිභෝගික ආරක්ෂණය පිළිබඳ කොමසාරිස් ට්‍රිෂ් බ්ලේක් පැවසුවේ අන්තර්ජාලය ඔස්සේ මුදල් ආයෝජනය කරන ලෙස පැමිණෙන ඕනෑම පණිවුඩයක ප්‍රතිචාර දැක්විමට පෙර සොයා බැලීමට කටයුතු කළ යුතු බවයි.

ලොව ජනප්‍රිය සමාගමක ලොකු පුටුවකට මෙල්බන්හි උපාධිය හැදෑරූ ශ්‍රී ලාංකික කාන්තාවක්

Coca-Cola සමාගමේ ශ්‍රී ලංකාව සහ මාලදිවයින සඳහා නව අධ්‍යක්ෂවරිය ලෙස (Country Director Sri Lanka & Maldives) ශ්‍රී ලාංකිකයෙක් වන කෞෂාලි කුසුමපාල පත් කර ඇති බව එම සමාගම නිවේදනය කර තිබෙනවා.

Read More »

සිඩ්නි සාප්පු සංකීර්ණයේ පිහි ඇනුමට මැදිහත් වූ තවත් අයෙකුට ඔස්ට්‍රේලියාවේ පුරවැසිභාවය

බොන්ඩායි ජන්ෂන්හි සාප්පු සංකීර්ණයකඅ සිදු වූ පිහි ඇනුමේදී තුවාල ලැබූ පකිස්ථාන ජාතික ආරක්ෂක නිලධාරියාට ඔස්ට්‍රේලියාවේ ස්ථිර පුරවැසිභාවය ලැබෙන බව අග්‍රාමාත්‍ය ඇන්තනි ඇල්බනිස් තහවුරු කර තිබෙනවා.

Read More »