තායිලන්තය ඉතිහාසගත වෙන තීරණයක් ගන්න සූදානමින්

තායිලන්තයේ සමලිංගික විවාහ සඳහා නීතිමය පිළිගැනීමක් ලබා දෙන පනත් කෙටුම්පතක් පහළ මන්ත්‍රී මණ්ඩලය විසින් සම්මත කර තිබෙනවා.

එම සම්මත වීමත් සමග තායිලන්තය සමානාත්මතාවය සඳහා ඓතිහාසික පියවරක් ගෙන ඇති බවයි විචාරකයන් පෙන්වා දෙන්නේ.

සමලිංගික විවාහ සඳහා නීතිමය අවසර හිමි වීමට නම් මේ සඳහා සෙනෙට් සභාවේ අනුමැතිය මෙන්ම රාජකීය අනුමැතිය ද අවශ්‍ය වනවා.

මෙම වසර අවසානය වන විට අදාළ අනුමැතිය ලැබෙනු ඇතැයි අපේක්ෂා කරන අතර ඒ අනුව සමලිංගික විවාහ පිළිගන්නා එකම අග්නිදිග ආසියානු රට බවට තායිලන්තය පත් වනු ඇති.

මෙය සමානාත්මතාවය සඳහා වන පළමු පියවර බවයි පනත් කෙටුම්පත ඉදිරිපත් කරමින් පහළ මන්ත්‍රී මණ්ඩලයේ කමිටු සභාපතිවරයා සඳහන් කළේ.

මන්ත්‍රීවරුන් 415 න් 400ක් පක්ෂ වූ මෙම පනත් කෙටුම්පත මගින් පැනවෙන නීතියට අනුව විවාහක සමලිංගික ජෝඩුවලට දරුවන් හදා වඩා ගැනීමට ද හැකියාව පවතිනවා.

කෙසේ වෙතත්, පියා සහ මව වෙනුවට දෙමව්පියන් යන යෙදුම භාවිතා කිරීමට කමිටුව කළ යෝජනාව පහළ මන්ත්‍රී මණ්ඩලය විසින් සම්මත කර නැහැ.

සමලිංගික විවාහ නීතිගත කිරීමට පසුගිය කාලයේ විවිධ කණ්ඩායම් ගත් උත්සාහයන් මහජන සහයෝගය තිබියදීත් අසාර්ථක වී තිබුණා.

තායිලන්ත දේශපාලන පක්ෂ කිහිපයක් ද පසුගිය වසරේ මැතිවරණයට පෙර ප්‍රචාරක ව්‍යාපාරයේ කොටසක් ලෙස සමලිංගික විවාහ පිළිගැනීමට පොරොන්දු වූ අතර අග්‍රාමාත්‍ය ශ්‍රේතා තව්සින් ද පසුගිය වසරේ සැප්තැම්බර් මාසයේදී බලයට පත් වූ දා සිට ඒ වෙනුවෙන් සහය දැක්වීමට පියවර ගෙන තිබු බවයි වාර්තා වන්නේ.

ලාංකිකයන්ට ඔස්ට්‍රේලියා යන්න අවස්ථාවක් අරගෙන ඔස්ට්‍රේලියාවේ සංක්‍රමණික නියෝජිතවරු සහ නීතිඥවරු ශ්‍රී ලංකාවට

ඔස්ට්‍රේලියාවේ රැකියාවක් මෙන්ම අධ්‍යාපනය පිළිබඳ බලාපොරොත්තුවෙන් පසුවන ශ්‍රී ලාංකික තාරුණ්‍යයේ සිහින ඉටු කෙරෙන “Aus Lanka TV Education Migration Expo 2024” වැඩසටහන ලබන මැයි මස 4 වන සෙනසුරාදා පැවැත්වීමට සියලු කටයුතු සූදානම් කර තිබෙනවා.

Read More »

ජීවිත 7ක් අහිමි කළ මෝටර් රථ ධාවන තරගාවලියේ දෙදෙනෙක් අත්අඩංගුවේ

දියතලාව ෆොක්ස් හිල් සුපර්ක්‍රොස් ධාවන තරගයේදී සිදු වූ අනතුරට අදාළව රියදුරන් දෙදෙනෙකු පොලිසිය විසින් අත්අඩංගුවට ගෙන තිබෙනවා.

Read More »

ඊශ්‍රායලයේ අමානුෂික ප්‍රහාරයක් ගැන ජාත්‍යන්තර අවධානය

දකුණු ගාසා තීරයේ රෆා නගරයට ඊශ්‍රායලය එල්ල කළ ප්‍රහාරවලින් කුඩා ළමයින් 18 දෙනෙකු ඇතුලු පුද්ගලයින් 22ක් ජීවිතක්ෂයට පත්වී තිබෙනවා.

Read More »