පැපුවා නිවිගිනි රාජ්යයේ නැගෙනහිර සෙපික් පළාතේ සිදු වූ ප්රබල භූ කම්පනයකින් පුද්ගලයන් තිදෙනෙකු මිය ගොස් නිවාස 1,000කට වැඩි ප්රමාණයක් විනාශ වී තිබෙනවා.
භූ කම්පනයේ ප්රබලත්වය සටහන් වී ඇත්තේ රික්ටර් පරිමාණයේ එකක 6.9ක් ලෙසටයි.
මෙම භූමිකම්පාව සිදු වී ඇත්තේ ඇම්බුන්ටි නගරයේ සිට කිලෝමීටර් 38ක් පමණ දුරින් වූ සෙපික් ගංගාව ආශ්රිත ගම්මාන සහ ඒ අවට ප්රදේශවල කිලෝමීටර් 40ක් පමණ ගැඹුරින් බව සඳහන්.
Papua New Guinea හි Post-Courier පුවත්පත වාර්තා කළේ මෑතදී ඇති වූ ගංවතුරෙන් යට වූ ප්රදේශවල පුද්ගලයින් තිදෙනෙකු භූමිකම්පාව හේතුවෙන් මිය ගිය බවයි.
භූමිකම්පාවෙන් නිවාස 1,000ක් විනාශ වූ බවට මූලික ඇස්තමේන්තු කර ඇති බව නැගෙනහිර සෙපික් පළාතේ ආණ්ඩුකාර ඇලන් බර්ඩ් සඳහන් කර තිබෙනවා.
දැනටමත් ගංවතුරෙන් පීඩාවට පත්ව සිටි පළාතේ බොහෝ ප්රදේශවලට මෙම කම්පනයෙන් හානි වී ඇති බවයි ඔහු සඳහන් කළේ.
තද සුළං සමඟ අධික වර්ෂාපතනයක් හේතුවෙන් පැපුවා නිව්ගිනියාවේ ගංවතුර සහ නායයෑම් සැලකිය යුතු බලපෑමක් ඇති කර තිබෙනවා.
ප්රාදේශීය මාධ්ය වාර්තා කළේ මාර්තු 18 වන දින චිම්බු පළාතේ නායයෑම් තුනකින් පුද්ගලයින් 23 දෙනෙකු මිය ගිය බවයි.
