අඩු වැටුප් සහිත සේවකයින් සඳහා ඩොලර් මිලියන 7.8ක මුදලක් ආපසු ගෙවීමට Optus සමාගම නියම වී තිබෙනවා.
ඒ අනුව ඔම්බුට්ස්මන් කාර්යාලය නිවේදනය කළේ ඔස්ට්‍රේලියාව පුරා අඩු වැටුප් ලබන Optus සේවකයන්ට නියම තක්සේරු වැටුප ගෙවන ලෙසයි.
ඊට අදාළ ගිවිසුමක් ද ප්‍රධානීන් විසින් අත්සන් කර ඇති බව සඳහන්.
Optus හී අභ්‍යන්තර සමාලෝචනයකින් අනතුරුව 2014 වසරේ ජනවාරි මස සිට 2020 මාර්තු දක්වා කාලසිමාව තුළ සේවය කළ අඩු වැටුප් සහිත සේවකයින් හට මෙලෙස නිසි වැටුප් ගෙවීම ආරම්භ වනු ඇති.
Optus සේවකයින් හට ඔවුන්ගේ සම්පූර්ණ නීත්‍යානුකූල හිමිකම් නොලැබීමට හේතුවෙන් 2021 අප්‍රේල් මස ඔම්බුට්ස්මන් කාර් යාලය වෙත පැමිණිල්ලක් යොමු කිරීමට අගතියට පත් සේවකයින් කටයුතු කර තිබුණා.
මෙලෙස අගතියට පත් සේවකයින් සඳහා නැවත මුදල් ගෙවීම අදියර කිහිපයක් යටතේ සිදු වන අතර වත්මන් සහ හිටපු සේවකයින් 3744කට මේ යටතේ ප්‍රතිලාභ හිමිවනු ඇති.
කෙසේ වෙතත් ඔම්බුඩ්ස්මන් කාර්යාලය පැවසුවේ දැනටමත් Optus සේවකයින්ගෙන් බහුතරයකට තම නිසි වැටුප ආපසු ගෙවා ඇති බවයි.
