වෙස්ටන් ඔස්ට්‍රේලියා පොදු ප්‍රවාහන සේවා නොමිලේ

උත්සව සමයේ දී පොදු ප්‍රවාහන සේවාවල මගීන්ගෙන් ගාස්තු අය නොකිරීමටයි වෙස්ටන් ඔස්ට්‍රේලියා ප්‍රාන්ත රජය තීරණය කර තිබෙන්නේ.

ලබන විසි හතර වන දා සිට ජනවාරි 28 වනදා තෙක් සියලු පොදු ප්‍රවාහන සේවාවලදී ගාස්තු අය නොකෙරෙනු ඇති.

ඉහළ යන ජීවන වියදම හමුවේ ප්‍රාන්තයේ ජනතාවට සහන සැලසිය යුතු බව ස්ථාවරය වී ඇතැයි ප්‍රාන්ත රජය පෙන්වා දෙනවා.

ඒ අනුව ගනු ලැබූ තීරණයෙන් පොදු ප්‍රවාහන සේවා දිනපතා භාවිත කරන මගීන්ට ඩොලර් සියගණනක මුදල් ඉතිරියක්  සිදුවන බවයි වෙස්ටන් ඔස්ට්‍රේලියා අග්‍රාමාත්‍ය රොජර් කුක් පෙන්වා දෙන්නේ.

පොලී අනුපාතය වැඩිවීමත් වෙනත් විවිධ අහිතකර තත්ව නිසාත් පවුල් රැසක් අර්බුදවලට ලක්ව ඇති බවත් එය දූ දරුවන් සමඟ විනෝද චාරිකාවක නිරත වීමට ද  අහිතකරව බලපාන බවත් අග්‍රාමාත්‍යවරයා පෙන්වා දෙනවා. 

එවැනි තත්ත්වයකදී ජනතාවට සුළු සහනයක් ලබා දීම ගාස්තු අත්හිටුවීමේ අරමුණ බවයි ඔහු සඳහන් කරන්නේ.

අද (22) මෙල්බන්හි රිය අනතුරකින් මියගිය පුද්ගලයෙක් ගැන පොලිසිය තොරතුරු සොයයි

මෙල්බන් හි සවුත් මොරන්ග් ප්‍රදේශයේ අද උදෑසන සිදුවූ මෝටර් රථ අනතුරකින් පුද්ගලයෙකු මිය ගොස් තවත් අයෙක් තුවාල ලබා තිබෙනවා.

Read More »

මගියෙකු මිය යාම ගැන සිංගප්පූරු ගුවන් සේවය සමාව ඉල්ලයි

ලන්ඩනයේ සිට සිංගප්පූරුව බලා පියාසර කරමින් තිබූ ගුවන්යානයක් ගුවනේදී අනතුරට ලක්වී පුද්ගලයෙකු මියයෑම සම්බම්ධයෙන් සිංගප්පූරු ගුවන් සේවයේ ප්‍රධාන විධායක නිලධාරී Goh Choon Phong විසින් ප්‍රසිද්ධියේ සමාව අයැද තිබෙනවා.

Read More »

වික්ටෝරියා ප්‍රාන්තයේ ගොවිපළකින් කුරුළු උණ හඳුනා ගැනේ

සිදු කළ මූලික පරීක්ෂණවලින් මෙම තොරතුරු හෙළි වූ අතර වැඩිදුර පරීක්ෂණ සඳහා සත්ව සාම්පල ජිලොන්ග් හි පිහිටි ඔස්ට්‍රේලියා රෝග  අවදානම් පරීක්ෂණ මධ්‍යස්ථානය වෙත යොමු කර ඇතැයි සඳහන්.

Read More »

ඔස්ට්‍රේලියානු නිවාස ණය හිමියන් තවදුරටත් මූල්‍ය ආතතියට

වර්තමානයේ ඔස්ට්‍රේලියාව තුල පවතින උද්දමනය සහ ඉහල පොලී අනුපාත හේතුවෙන් බොහෝ නිවාස ණය ලබාගත් නිවාස හිමියන් දැඩි අපහසුතාවයකට පත්ව තිබෙනවා.

Read More »