කොවිඩ් සමයේ අවලංගු කල ගුවන් ගමන් වාර සම්බන්ධයෙන් වංචාවක් සිදුකල බවට ක්වන්ටාස් සමාගමට එරෙහිව පවරා ඇති නඩු විභාගය ආරම්භ වී තිබෙනවා.
මෙල්බන් නුවර ෆෙඩරල් අධිකරණයක් හමුවේ අද දිනයේදී වගඋත්තරකාර ක්වන්ටාස් සමාගම සහ පැමිණිලිකාර ඔස්ටේ්රලියානු පාරිභෝගික කොමිසම පෙනී සිටි බව සඳහන්.
මෙහි වැඩිදුර කරුණු සලකා බැලීම ලබන වසරේ පෙබරවාරි 28 වනදා දක්වා කල් ගොස් තිබෙනවා.
2022 වසරේ මැයි සිට ජූලි දක්වා කාලය තුළ අවලංගු කරනු ලැබූ ගුවන් වාර 10,000 ක් පමණ වෙනුවෙන් ගුවන් මගීන් දැනුවත් නොකිරීම ක්වන්ටාස් සමාගමට එරෙහි ප්රධාන චෝදනාවයි.
කෙසේවෙතත් මේ සම්බන්ධයෙන් නිසියාකාරයෙන් මුදල් ආපසු ගෙවීම් සිදුකල බවටයි ක්වන්ටාස් සමාගම තර්ක කරන්නේ.