ඔස්ට්‍රේලියාව තුළ නිවසක හිමිකාරීත්වය දැරීමට අවශ්‍ය අඩුම මුදල මෙන්න

නවතම පොළී අනුපාතික වෙනසත් සමග ඔස්ට්‍රේලියාව තුළ නිවසක හිමිකාරීත්වය දැරීම සඳහා සාමාන්‍ය වැටුප මෙන් 03 ගුණයක ආදායමක් තිබිය යුතු බවට තක්සේරු කර තිබෙනවා.

ෆයින්ඩර් ආයතනය සිදුකර ඇති සමීක්ෂණ වාර්තාවක දැක්වෙන්නේ ඩොලර් 926,899 ක් වටිනා නිවසක් මිළදී ගැනීම වෙනුවෙන් වන උකස් ණයක් සඳහා අවම වශයෙන් ඩොලර් 182,000 ක වාර්ෂික වැටුපක් අවශ්‍ය වන බවයි.

කෙසේවෙතත් සංඛ්‍යාලේඛණ කාර්යාංශ වාර්තා අනුව මෙරට සාමාන්‍ය වාර්ෂික වැටුප සටහන් වන්නේ ඩොලර් 65,000 ක් ලෙසයි.

ඩොලර් 659,130 ක් වටිනා නිවාස ඒකකයක් මිළදී ගැනීම සඳහා අවම වශයෙන් වසරකට ඩොලර් 130,000 ක වැටුපක් ලැබිය යුතු බවටයි වැඩිදුරටත් ගණන් බලා ඇත්තේ.

පදනම් ඒකක 25 කින් හෙවත් සියයට 0.25 කින් cash rate අගය ඉහළ දැමීමට ෆෙඩරල් සංචිත බැංකුව ඊයේ තීරණය කලා.

ඒ අනුව සියයට 4.10 ක් ලෙස පැවති එම අගය සියයට 4.35 දක්වා ඉහළ ගියා.

2022 වසරේ මැයි මාසයෙන් පසු පොළී අනුපාතික ඉහළ දමනු ලැබූ 13 වන අවස්ථාව මෙයයි.

2011 වසරේ නොවැම්බර් මාසයෙන් පසු ඔස්ට්‍රේලියාවේ cash rate අගය මෙතරම් ඉහළම අගයකට පැමිණි පළමු අවස්ථාවද මෙයවීම විශේෂත්වයක්.

ඩොලර් ලක්ෂ 05 ක නිවාස ණයක් ගෙන ඇති අයෙකුට පොළී අනුපාතික ඉහළ දැමීමත් සමග මාසික වාරිකයේ වැඩිවීම ඩොලර් 76 ක් පමණ වනු ඇති බවටයි ගණන් බලා ඇත්තේ.

ඒ අනුව මාස 18 ක් තුළ සිදුවූ සමස්ත වාරික ඉහළයාම ඩොලර් 1,210 ක් වනු ඇති.

ඩොලර් මිලියනයක පමණ ණයක් ගෙන ඇති අයෙකුගේ එම වාරික ඉහළයාම ඩොලර් 2,420 ක් ලෙසට තක්සේරු කර තිබෙනවා.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »