ඔස්ට්‍රේලියානු තරුණ ප්‍රජාවගේ මානසික සෞඛ්‍ය ආබාධ සියයට 50 කින් ඉහළ ගොස් ඇති බව නවතම සමීක්ෂණයකින් හෙළිව තිබෙනවා.
අදාළ වාර්තා පෙන්වා දෙන්නේ ගතවූ වසර 15 තුළ තරුණ ප්‍රජාවගේ මානසික සෞඛ්‍ය දිගින් දිගටම පිරිහී ඇති බවයි.
වයස අවුරුදු 16 ත් 24 ත් අතර වයස් කාණ්ඩයේ පසුවන තරුණ ඔස්ට්‍රේලියානුවන්ගෙන් සියයට 40 ක් 2020-2022 කාලසීමාවේදී කුමන හෝ මානසික ආබාධයකට ගොදුරු වී ඇති බවයි සංඛ්‍යාලේඛණ කාර්යාංශ වාර්තා පෙන්වා දෙන්නේ.
ඒ අනුව ගතවූ වසර 02 දී මිලියනයකට අධික තරුණ පිරිසක් කුමන හෝ මානසික සෞඛ්‍ය පිරිහීමකට නතුව තිබීම විශේෂත්වයක්.
මානසික පීඩාවට පත්වුවන්ගෙන් වැඩි පිරිසක් කාන්තාවන් බව සඳහන්.
2007 වසරේ සිට සෑම තරුණ පිරිමි පුද්ගලයින් තුන් දෙනෙකුගෙන් එක් අයෙක් මානසික සෞඛ්‍ය ආබාධයන්ට ගොදුරු වි ඇති බව සදහන්.
තරුණ ගැහැණු ළමුන් පස් දෙනෙකුගෙන් දෙදෙනෙකු කුමන හෝ මානසික ආබාධවයකට පත්ව තිබෙන බවයි අනාවරණය වන්නේ.
මේ අතර සංක්‍රාන්ති ලිංගික පුද්ගලයන් 03 දෙනෙකුගෙන් එක් අයෙකු ද කුමන හෝ මානසික ආබාධයකට ලක්වන බවටයි හඳුනාගෙන ඇත්තේ.
හුදකලාව හා කාංසාව මෙන්ම සමාජ මාධ්‍ය ද මානසීක ආබාධ සඳහා ප්‍රධාන හේතු ලෙසයි හදුනාගෙන ඇත්තේ.
