ලොව උසම දැවමය දෙමුහුන් ගොඩනැගිල්ල පර්ත් නගරයේ ඉදිකිරීමට සැලසුම් කර තිබෙනවා.
මීටර් 189 ක උසකින් යුත් එය මහල් 50 කින් සමන්විත අතර එතුළ මහල් නිවාස 200 ක් ඉදිවීමට නියමිතයි.
අදාල සංවර්ධන ව්‍යාපෘතිය ඉදිකිරීමට මේ වන විට අනුමැතිය ලැබී ඇති අතර එහි ගෘහ නිර්මාණ ශිල්පීන් පවා තෝරාගෙන අවසන්.
මෙම ගොඩනැගිලි ව්‍යුහයෙන් සියයට 40 ක් ශක්තිමත් සැහැල්ලූ දැව වලින් නිර්මාණය කිරීමටයි සැළසුම්කරුවන් පියවර ගෙන ඇත්තේ.
අදාළ ගොඩනැගිල්ල තුළ සියයට සියයක් පුනර්ජනනීය බලශක්තිය භාවිත කිරීමද විශේෂත්වයක්.
පාරිසරික තිරසාරභව රැකෙන අන්දමින් හරිත පරිසරයක් තුළ දැවමය ගොඩනැගිල්ල ඉදිකිරීම පිළිබඳවද ගෘහ නිර්මාණ ශිල්පීන්ගේ අවධානය යොමුව තිබෙනවා.
මෙම සංවර්ධන ව්‍යාපෘතිය යටතේ විද්‍යුත් වාහන 80 ක් සදහා ද පහසුකම් සපයා තිබෙනවා.
මහල් 25 කින් සමන් විත දැනට ලොව පවතින උසම දැවමය ගොඩනැගිල්ල ඇමරිකා එක්සත් ජනපදයේ විස්කොන්සින් ප්‍රාන්තයේ පිහිටා ඇති අතර එහි උස මීටර 86.6 ක්.
