සේවක වැටුප් සියයට 4.7 කින් ඉහළ දැමීම හේතුවෙන් රටේ ආර්ථිකයට දැඩී පීඩනයක් එල්ල වී ඇති බව ෆෙඩරල් සංචිත බැංකුව පවසනවා.
උද්ධමනය හා පොලී අනුපාතික ඉහළ ගොස් ඇති පසුබිමක මෙලෙස වැටුප් වැඩී කිරීම රටේ ආර්ථිකයට දැරිය නොහැකි බවයි ෆෙඩරල් සංචිත බැංකුව නිවේදනය කර ඇත්තේ.
බැංකු – අධ්යාපන සහ ඉදිකිරීම් යන ක්ෂේත්රද ඇතුලුව අංශ ගණනාවක වැටුප් පසුගිය ජූලි සහ අගෝස්තු මාසවලදී ඉහළ දැමීමටයි බලධාරීන් පියවර ගෙන තිබුණේ.
ඵලදායිතා වර්ධනයකින් තොරව මෙලෙස වැටුප් ඉහළ දැමීම රටේ ආර්ථිකයට අයහපත් ලෙස බලපෑම් කරන බවයි ආර්ථික විශේෂඥයින් පෙන්වා දෙන්නේ.
2022 මැද භාගයේ සිට මේ දක්වා වාර්තා වූ ඉහළම වැටුප් වර්ධන වේගය වර්තමානයේ සටහන් වන බව පසුගිය දා එළිදැක්වු Fairwork කොමිෂන් සභා වාර්තාවේද සඳහන්.
මේ හේතුවෙන් තවදුරටත් උද්ධමනය හා පොලී අනුපාතික ඉහළ යා හැකි බවටයි ෆෙඩරල් සංචිත බැංකුව අනතුරු අගවා තිබෙන්නේ.