එංගලන්තයේ තුන්වන චාල්ස් රජුගේ රුව සහිත කාසි ඔස්ට්‍රේලියාව තුළ නිෂ්පාදනය වසර අවසානයේ සිට ආරම්භ කිරීමට සැළසුම් කර තිබෙනවා.
ඒ අනුව තුන්වන චාල්ස් රජුගේ රුව සහිත කාසි ලක්ෂ 02 ත් 03 ත් අතර ප්‍රමාණයක් නිෂ්පාදනය කිරීමට නියමිතයි.
එළිසබෙත් රැජිණගේ රුව සහිත කාසි ද තවදුරටත් වලංගු වනු ඇති.
දැනට එළිසබෙත් රැජිණගේ රුව සහිත කාසි කොපමණ ප්‍රමාණයක් රට තුළ පවතීද යන්න නිශ්චිතව කිව නොහැකි අතර 1965 සිට කාසි බිලියන 15 කට අධික ප්‍රමාණයක් නිපදවා ඇති බව සඳහන්.
ඔස්ට්‍රේලියාවේ භාවිත කෙරෙන නෝට්ටු වලින් බ්‍රිතාන්‍ය කිරීටය දරන්නා නිරූපනය කෙරෙන්නේ ඩොලර් 05 නෝට්ටුවේ පමණයි.
කෙසේවෙතත් රැජිණ නිරූපණය වන කාසිවල ඇය බලා සිටින දිශාව සහ චාල්ස් රජු නිරූපණය වන කාසිවල ඔහු බලාසිටින දිශාව එකිනෙකට ප්‍රතිවිරුද්ධවීම විශේෂත්වයක්.
